Leo រៃអង្គាសប្រាក់បាន ៤០លានដុល្លារ សម្រាប់ការជួយសង្គ្រោះបរិស្ថានពិភពលោក

2015-07-26 17:43:13
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងអាមេរិក Leonardo DiCaprio បានរៃអង្គាសប្រាក់ចំនួន ៤០លានដុល្លារ តាមរយៈកម្មវិធី Leonardo DiCaprio Foundation ប្រចាំឆ្នាំ២០១៥ ដែលលោកបានរៀបចំនៅ Saint-Tropez កាលពីថ្ងៃពុធ។ Leo បានបង្កើតមូលនិធិមួយនេះតាំងពីឆ្នាំ១៩៩៨ ដើម្បីចូលរួមចំណែកក្នុងការអភិរក្សបរិស្ថាន និងធនធានធម្មជាតិ។

នៅក្នុងកម្មវិធីឆ្នាំនេះ តួឯកប្រុសរឿង "Titanic" បានបរិច្ចាគគ្រឿងអលង្ការ និងស្នាដៃសិល្បៈរបស់ខ្លួនដើម្បីដាក់ដេញថ្លៃ ដោយមានភ្ញៀវកិត្តិយសជាតារាល្បីៗជាច្រើននាក់ចូលរួម តួយ៉ាងដូចជា Kate Hudson, Naomi Campbell និង Orlando Bloom, រួមទាំង Elton John និង John Legend ដែលបានឡើងសម្ដែងទាំងពីរនាក់ក្នុងកម្មវិធីនោះ។

កាលពីឆ្នាំមុន តារាវ័យ ៤០ឆ្នាំរូបនេះគឺជាសិល្បករមួយរូបដែលបានចូលរួមក្នុងកម្មវិធី Ice Bucket Challenge និងបានបរិច្ចាគចំនួន ១សែនដុល្លារដល់សមាគមស្រាវជ្រាវជំងឺប្រព័ន្ធប្រសាទ ALS។ កាលពីឆ្នាំ២០១១ តារារូបនេះ ក៏បានរៃអង្គាសប្រាក់ជាង ២សែនដុល្លារដែរ រួមជាមួយប្រាក់បរិច្ចាគផ្ទាល់ខ្លួនចំនួន ៧ម៉ឺនដុល្លារ ដើម្បីជួយដល់ប្រជាជនដែលរងគ្រោះរញ្ជួយដីនៅប្រទេសហៃទី ៕

ចុចអាន៖តារាល្បីៗពិភពលោកដែលមានស្នាដៃធំក្នុងកិច្ចការពារបរិស្ថាន

ប្រែសម្រួល៖ វ៉ាន់ថន ប្រភព៖ cambio