ល្បី Rihanna កំពុងមានស្នេហាជាមួយអ្នកប្រណាំងឡាន Lewis Hamilton

2015-07-27 21:16:36
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Rihannaនិងអ្នកប្រណាំងរថយន្ត F1 Lewis Hamiltonត្រូវគេសង្ស័យថាកំពុងមានទំនាក់ទំនងស្នេហាជាមួយគ្នាបន្ទាប់ពីអ្នកទាំងពីរបាននៅជាមួយគ្នាក្នុងភោជនីយដ្ឋាន Da Silvano ក្នុងទីក្រុងញីវយ៉កកាលពីថ្ងៃសៅរ៍។

តាមប្រភពមិត្តស្និទ្ធស្នាលរបស់ Rihanna បានប្រាប់សារព័ត៌មាន The Sun ៖" ពួកគេបានទាក់ទងគ្នាក្នុងឆ្នាំនេះហើយក៏ចូលចិត្តគ្នាទៅវិញទៅមកផងដែរ។ ប៉ុន្តែទើបតែនៅខែឧសភាឆ្នាំនេះពួកគេបាននិយាយគ្នាយ៉ាងច្រើន។ ចុងក្រោយកាលវិភាគការងាររបស់ពួកគេក៏ធូរស្រាល ធ្វើឲ្យអ្នកទាំងពីរមានពេលដើរលេងជាមួយគ្នា។ អ្នកទាំងពីរពិតជារវល់រៀងខ្លួនប៉ុន្តែ Rihanna ចង់ឲ្យ Lewis ទៅមើលការប្រគំតន្ត្រីរបស់ខ្លួននៅក្នុងទីក្រុង Rio de Janeiro នៅខែកញ្ញាខាងមុខដើម្បីបានមើលការសម្ដែងនិងមានពេលនៅជាមួយគ្នា"។

ប្រភពកៀកកិតនឹង Lewis Hamilton បានបង្ហើបឲ្យដឹងដែរថា៖" Lewis ក៏លង់ស្នេហ៍ជាមួយនាងដែរនិងគិតថា Rihanna មិនមែនតែមានភាពសិចស៊ីតែមួយមុខទេប៉ុន្តែចូលចិត្តបង្កើតរឿងសប្បាយៗ បើទោះជាបានដឹងថានាងធ្លាប់មានរឿងអាស្រូវស្នេហាយ៉ាងណាក៏ដោយ"។

យ៉ាងណាក្ដីទាំង Rihanna និង Lewis Hamilton មិនទាន់ចេញមកបកស្រាយពីព័ត៌មាននៅឡើយទេគ្រាន់តែជាពាក្យសម្ដីរបស់មិត្តរបស់ពូកគេប៉ុណ្ណោះ។

ទំនាក់ទំនងស្និទ្ធស្នាលរបស់តារាស្រីនិងកីឡាករខាងលើបានកើនឡើងនៅពេលដែលជួបគ្នានៅក្នុងកម្មវិធី Met Gala ក្នុងទីក្រុងញីវយ៉កកាលពីដើមឆ្នាំ។ ទន្ទឹមគ្នានោះដែរ Lewisទើបតែបែកបាក់ជាមិត្តស្រី Nicole Scherzingerអតីតសមាជិកក្រុម The Pussycat Dolls ៕

ចុចអាន៖Rihanna ក្លាយជាតារាទីមួយដែលលក់ដាច់អាល់ប៊ុមលើសពី ១០០លាន

ប្រែសម្រួល៖ ហេង សុធារិទ្ធិ ប្រភព៖ mirror