ឯក សុវណ្ណរ័ត្ន ថតតួឆ្នាសលើកដំបូង

2015-07-28 12:24:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯក សុវណ្ណរ័ត្ន ផ្ដើមសម្ដែងជាតួឆ្នាសឆ្នើមលើកដំបូង ក្រោយចាប់ផ្ដើមអាជីពសិល្បៈ ១០ ឆ្នាំកន្លងមកនេះ ស្របពេលសាមីខ្លួនអះអាងថា គឺជា រឿងថ្មីសម្រាប់នាង។

“និយាយទៅ អត់អីដែរ! ពិបាកខ្លះ និងមិនពិបាកខ្លះលាយឡំគ្នា ធ្វើម៉េចការងារយើងទៅហើយ"។ តារាសម្ដែងរូបនេះបញ្ជាក់ថា នាងចាប់ផ្ដើមថតជាបែបនេះឱ្យផលិតកម្ម Town ក្នុងបទថ្មីមួយមានចំណងជើងថា "ទឹកភ្នែកស្រីម៉ាស្សា" ។ ហើយនាងជាតួឆ្នាសឆ្នើម និង មានចរិតម្ញ៉ិកម្ញ៉ក់ ដែលមានចរិតច្រណែននិន្ទាជាមួយតារាសម្ដែង នី មនុន្នីនាថ នៅក្នុងសាច់រឿង MV ខារ៉ាអូខេ។

ម្ចាស់ហាងសាឡនរូបនេះបញ្ជាក់ថា ការប្រឡូកសិល្បៈប្រហែក ១០ កន្លងមកនេះ ធ្លាប់តែសម្ដែងជាតួសុភាពរាបសារទេមិនថា តែកុន ឬ MV ខារ៉ាអូខេឡើយ។ ប៉ុន្តែ សុវណ្ណរ័ត្ន បញ្ជាក់ទៀតថា នេះជាការចាប់ផ្ដើមថ្មី បន្ទាប់ពីផ្អាកសិល្បៈមួយរយៈ ហើយងាកទៅចាប់យកអាជីពបើកហាងសាឡន នៅអំឡុងឆ្នាំ ២០១៤ ទម្រាំអាចដំណើរបានរលូនមកដល់សព្វថ្ងៃ និងមានចំណូលអាចទប់ទល់បានលើការចំណាយផ្សេងៗនោះ។

ម្យ៉ាងទៀតនាងថា ខារ៉ាអូខេ ១ បទចំណាយពេលថតតិច មិនដូចកុននោះទេ និងចែកពេលវេលាបាន។ សុវណ្ណរ័ត្ន បន្ថែមថា៖ "ហាងរកបានគ្រាន់ទប់ទល់ តែបើមានចំណូលពីសិល្បៈទៀត កាន់តែកាក់កបទៀត"។ តារាដដែលអះអាងថា ហាងរបស់នាងមានការគាំទ្រច្រើនលើផលិតផលសម្រករាង ក្នុងនោះក៏មានអ្នករួមអាជីពសិល្បៈមួយចំនួនផងដែរ៕

អានអត្ថបទ៖ ឥឡូវឧបករណ៍ភ្លេងខ្មែរ ក៏អាចប្រគំបទអន្តរជាតិបានដែរ?

អានអត្ថបទ៖ ម្ដាយ យុគ ចិន្ដា ថ្លែងច្បាស់ៗរឿងអ្នកចងដៃមង្គលការកូនប្រុសយប់មិញ

អត្ថបទ៖ សំ ជំនាញ