ដោយសារកំហុសធនាគារ ធ្វើឲ្យស្ត្រីម្នាក់មានប្រាក់ជិត១៥ពាន់លានដុល្លាររយៈពេល១ថ្ងៃ
- 2015-07-28 15:19:49
- ចំនួនមតិ 0 | ចំនួនចែករំលែក 0
ដោយសារកំហុសធនាគារ ធ្វើឲ្យស្ត្រីម្នាក់មានប្រាក់ជិត១៥ពាន់លានដុល្លាររយៈពេល១ថ្ងៃ
ចន្លោះមិនឃើញ
ស្ត្រីម្នាក់មកពីក្រុង Kanpar រដ្ឋ Uttar Pradesh ប្រទេសឥណ្ឌាបានក្លាយជាអ្នកមាន ក្នុងរយៈពេលតែមួយថ្ងៃ ក្រោយពេលធនាគារបានផ្ទេរលុយច្រឡំចូលក្នុងគណនីរបស់នាង។
Urmila Yadav ដែលធ្វើការក្នុងហាងកែសម្ផស្សមួយ មានលុយក្នុងកុងធនាគារត្រឹម២០០០រូពី (៣១ដុល្លារ) ប៉ុណ្ណោះ។ ក្រោយមកនាងបានទទួលសារពីរ ពីធនាគារដោយបាននិយាយថា ទឹកប្រាក់ចំនួន៩៩៩ ៩៩៩រូពី (១៥ ៥៨៩ដុល្លារ) ត្រូវបានបញ្ចូលក្នុងគណនីរបស់នាង និងមួយទៀតបាននិយាយថា ទឹកប្រាក់ប្រហែល៩០០ពាន់ រូពី(១៤ ០៣០ដុល្លារ) ត្រូវបានដកចេញវិញ។ ពេលទទួលបានសារចម្លែកបែបនេះ នាងបានទៅធនាគារដើម្បីបញ្ជាក់មើល។
ពេលទៅដល់ Urmila បានឲ្យបុគ្គលិកធនាគារជួយពិនិត្យមើលទឹកប្រាក់ឃើញថា កុងធនាគាររបស់នាងមានលុយដល់ទៅ ៩៥ ៧១១ ៦៩៨ ៦៤៧ រូពី (ប្រហែល១៥ពាន់លានដុល្លារ)។ នេះគឺដោយសារកំហុសប្រតិបត្តិការរបស់ធនាគារ។ ក្រោយមកធនាគារបាន ដោះស្រាយបញ្ហានោះ និងបានដកលុយដ៏ច្រើននោះពីកុងធនាគារនាងវិញ។
ដោយឡែក ចំពោះរឿងនេះ Urmila បានឲ្យដឹងថា " ខ្ញុំមិនខ្វល់អំពីទឹកប្រាក់ដ៏ច្រើននោះទេ ប៉ុន្តែអ្វីដែលខ្ញុំខ្វល់គឺលុយ២០០០រូពី (៣១ដុល្លារ) ដែលជារបស់ខ្ញុំ គឺវាមានសុវត្ថិភាព"៕
ចុចអាន៖ ខឹងឪពុកមិនទិញទូរសព្ទឲ្យ ក្រមុំ២០ឆ្នាំម្នាក់ដេកយំននៀលកណ្ដាលផ្លូវ
ប្រែសម្រួល៖ មាន រតនា ប្រភព៖ techworm
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
