គ្រូធំ Barca ថា Van Gaal នឹងជួយ Man Utd លើកពាន៣ រដូវកាលក្រោយ
- 2015-07-28 17:32:06
- ចំនួនមតិ 0 | ចំនួនចែករំលែក 0
គ្រូធំ Barca ថា Van Gaal នឹងជួយ Man Utd លើកពាន៣ រដូវកាលក្រោយ
ចន្លោះមិនឃើញ
លោក Luis Enrique អ្នកចាត់ការក្រុម Barcelona បាននិយាយថា Louis van Gaal ជាមនុស្សដែលអាចជួយក្រុម Manchester United លើកពាន៣បាននៅរដូវកាលក្រោយនេះ។
Enrique និង Van Gaal ធ្លាប់ធ្វើការជាមួយគ្នាម្ដងមកហើយនៅអេស្ប៉ាញ ហើយកាលពីថ្ងៃអាទិត្យមុននេះពួកគេបានដឹកនាំក្រុមរៀងខ្លួនប្រកួតគ្នា (Barca ប្រកួតជាមួយ Man Utd) នៅទឹកដីអាមេរិក ដោយលទ្ធផលបិសាចក្រហមឈ្នះអ្នកមានបុណ្យ ៣-១ ។ ក្រោយជំនួបគ្រូ និងសិស្សបញ្ចប់ទៅ អ្នកចាត់ការដែលដឹកនាំ Barca លើកពាន៣រដូវកាលមុនបាននិយាយថា បុរសសញ្ជាតិហុល្លង់រូបនេះ (Van Gaal) នឹងធ្វើឱ្យ Man Utd ខ្លាំងដូចសម័យមុនអីចឹង។
អ្នកចាត់ការវ័យក្មេងខាងលើបាននិយាយទៀតថា៖ "ក្នុងមួយឆ្នាំអ្វីគ្រប់យ៉ាងក៏អាចកើតបានដែរ។ យើងធ្លាប់អត់បានពានអ្វីសោះ ប៉ុន្តែក្រោយមកយើងអាចទទួលបានដល់ទៅ៣។ United ក៏អាចធ្វើអីចឹងបានដែរ ជាមួយគ្រូបង្វឹកដូចជា Van Gaal ហើយកីឡាករល្អៗដែលគេមាន។ ពួកគេគឺជាក្រុមមួយដែលអាចធ្វើអ្វីបានគ្រប់យ៉ាង”។
លោក Van Gaal បានចូលដឹកនាំ Man Utd នៅរដូវកាលមុន ហើយអាចជួយក្រុមនេះឱ្យបានទៅលេងនៅ Champions League វិញនៅរដូវកាលថ្មីនេះ។ អតីតគ្រូបង្វឹកក្រុមជម្រើសជាតិហុល្លង់ ធ្លាប់បាននិយាយថារូបលោកមកដឹកនាំបិសាចក្រហមដើម្បីជោគជ័យ ហើយលោកមានពេលតែ៣ឆ្នាំទេនៅទីនេះ ព្រោះថាបុរសវ័យ៦៣ឆ្នាំរូបនេះបានសន្យាជាមួយប្រពន្ធលោកហើយថានឹងចូលនិវត្តន៍នៅឆ្នាំ២០១៧។
លោក Van Gaal និងភរិយា
ចាំមើលនៅសល់រយៈពេល២រដូវកាលទៀតនេះ លោកអាចដឹកនាំ Man Utd ឱ្យទទួលបានជោគជ័យដល់កម្រិតណា?
ចុចអានVan Gaal មានអារម្មណ៍ដូចអង្គុយក្នុងបង្គន់ ពេល Man Utd ទៅលេងក្រៅដី
ប្រែសម្រួល៖ មុន្នី រម្យ ប្រភព៖ goal