Google Maps បន្ថែមមុខងារថ្មី អាចបង្ហាញពីទីតាំងដែលអ្នកធ្លាប់បានទៅ
- 2015-07-28 16:38:23
- ចំនួនមតិ 0 | ចំនួនចែករំលែក 0
Google Maps បន្ថែមមុខងារថ្មី អាចបង្ហាញពីទីតាំងដែលអ្នកធ្លាប់បានទៅ
ចន្លោះមិនឃើញ
កាលពីពេលថ្មីៗកន្លងទៅនេះ Google Maps បានធ្វើការបន្ថែមមុខងារថ្មីទៅលើផែនទីរបស់ខ្លួនដែលអាចឲ្យយើងឃើញពីទីតាំងដែលយើងធ្លាប់បានទៅកាន់ពីមុនមក។
មុខងារថ្មីនេះមានឈ្មោះថា Timeline ដែលខុសពី Timeline របស់ Facebook ព្រោះវាមិនបង្ហាញព័ត៌មានឲ្យអ្នកដទៃបានឃើញនោះទេ គឺមានតែអ្នកទេដែលអាចឃើញវាបាន។ វាជាមួយមុខងារថ្មីដែលអាចមើលឃើញពីទីតាំងដែលអ្នកធ្លាប់បានទៅកម្សាន្តពីមុនមក។ មិនត្រឹមតែអាចបង្ហាញពីទីតាំងនោះទេ វាថែមទាំងអាចបង្ហាញពីពេលវេលាដែលអ្នកបានទៅដល់ និងផ្លូវដែលអ្នកបានធ្វើដំណើរទៅកាន់ទីតាំងនោះផង។
ប្រសិនបើអ្នកប្រើកម្មវិធី Google Photos នោះ រូបថតដែលអ្នកបានថតនឹងបង្ហាញពីទីតាំង និងពេលវេលាដែលបានថតផងដែរ។
មានមុខងារថ្មីនេះហើយ អ្នកនឹងមិនអាចភ្លេចពីពេលវេលា និងទីតាំងដែលអ្នកធ្លាប់បានទៅកម្សាន្តកាលពីមុននោះទេ។
មុខងារនេះនឹងចាប់ផ្ដើមមានឲ្យប្រើប្រាស់នៅលើកុំព្យូទ័រ និងទូរសព្ទ ឬ Tablet ដើរដោយប្រព័ន្ធប្រតិបត្តិការ Android ជាមុនសិន បន្ទាប់មកនឹងមាននៅលើប្រព័ន្ធ iOS នាពេលឆាប់ៗ៕
-ចុចអាន៖ Microsoft នឹងបញ្ចេញ Smartphone ថ្មីពីរម៉ូដែលលក្ខណៈសម្បត្តិខ្លាំងៗ
ប្រែសម្រួល៖ ហៃ សុខហេង ប្រភព៖ cnn
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
