ហេតុផលខ្លះៗ ធ្វើឱ្យ ឱក សុគន្ធកញ្ញា មិនទាន់អាចថតកុនបាន

2015-07-29 18:34:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ឱក សុគន្ធកញ្ញា បានបញ្ជាក់ថា បច្ចុប្បន្នកំពុងពង្រឹងបទចម្រៀងថ្មី ដែលភាគច្រើនជាសាច់ភ្លេងថ្មីស្នាដៃកូនខ្មែរ ខណៈគម្រោងថតកុនជាជំហានបន្ទាប់ ប៉ុន្តែនៅមិនទាន់កំណត់រយៈពេលនៅឡើយ។

“ រវល់ផលិតបទចម្រៀងថ្មី ជាមេឡូឌីតែងដោយកូនខ្មែរពិតៗ ក៏ដូចជាឥឡូវហ្នឹង យើងមានក្រុមតន្ត្រី ដែលគាត់ជួយសហការក្នុងការបង្កើនបទចម្រៀងថ្មី និងទំនុកច្រៀងថ្មី"។ សុគន្ធកញ្ញា បញ្ជាក់មកកាន់ Sabay។ តារាចម្រៀងស្រីល្បីឈ្មោះរូបនេះបន្តទៀតថា នាងក៏កំពុងធ្វើការងារពាក់ព័ន្ធជាមួយបទចម្រៀងថ្មីទាំងនោះ សម្រាប់យុវវ័យជាអ្នកគាំទ្ររូបនាងកន្លងមក។

តារាសំណព្វចិត្តយុវវ័យខាងលើអះអាងថា នាងកំពុងមានការមមាញឹកច្រើនដូច្នេះ គឺមិនទាន់បានបើកទូលាយ ឬគិតគូររឿងថតកុននោះទេ។ ម្យ៉ាងទៀត ការងារថតកុននេះ គ្រាន់តែជាផែនការសម្រាប់អនាគត។ តារារូបនេះបន្តថា៖"នាងខ្ញុំក៏ចង់ថតកុនដែរ ប៉ុន្តែប្រហែលជាបច្ចុប្បន្ន ខ្ញុំគិតថា សម្រស់របស់ខ្ញុំអត់ទាន់ដល់ និងអត់ទាន់គ្រប់គ្រាន់(សើច)”។

តារាខាងលើបានឱ្យដឹងម្យ៉ាងទៀតថា បច្ចុប្បន្នមានការមមាញឹកខ្លាំងសម្រាប់ការងារក្នុងផលិតកម្មហង្សមាស រួមមានដូចជាការផលិតបទចម្រៀងថ្មីៗ និងបំពេញតួនាទីជាគណៈកម្មការ នៃកម្មវិធី Cambodian Idol ជាដើម។ ជាមួយគ្នានោះ ការងារច្រៀងតាមកម្មវិធីប្រគំតន្ត្រីក្រុមហ៊ុនឯកជននានា ក៏មានជាហូរហែដែរ។ ដូច្នេះធ្វើឱ្យតារាចម្រៀងខាងលើ នៅមិនអាចថតកុនបាននៅឡើយទេ៕

អានអត្ថបទ៖ គៀត សុវណ្ណាឡាង មិនមែន១ មិនមែន២ តែ៣រឿង

អានអត្ថបទ៖ តន្ត្រីករ ចឹក ស៊ីណាត ជិះម៉ូតូពីភ្នំពេញទៅបង្រៀនភ្លេងខ្មែរតាមខេត្ត