ប្រទេសដំបូងទទួលបានគម្រោងអ៊ីនធឺណិតតាមបាឡុងហោះរបស់ Google គឺនៅអាស៊ី
- 2015-07-31 18:36:14
- ចំនួនមតិ 0 | ចំនួនចែករំលែក 0
ប្រទេសដំបូងទទួលបានគម្រោងអ៊ីនធឺណិតតាមបាឡុងហោះរបស់ Google គឺនៅអាស៊ី
ចន្លោះមិនឃើញ
Project Loon ដែលជាគម្រោងផ្ដល់សេវាអ៊ីនធឺណិតតាមរយៈបាឡុងហោះទៅតំបន់ដាច់ស្រយាល និងគ្មានសេវាអ៊ីនធឺណិតប្រើគ្រប់គ្រាន់របស់ក្រុមហ៊ុន Google ឥឡូវនេះបានចាប់ផ្ដើមដំណើរការដំបូងក្នុងប្រទេសស្រីលង្កាហើយ។
កាលពីថ្ងៃទី ២៨ កន្លងទៅ រដ្ឋាភិបាលរបស់ប្រទេសស្រីលង្កាបានប្រកាសថាគម្រោង Project Loon របស់ក្រុមហ៊ុន Google នឹងដាក់ឲ្យដំណើរការផ្ដល់សេវាអ៊ីនធឺណិតទូទាំងប្រទេសស្រីលង្កាទាំងមូល។
រដ្ឋមន្ត្រីក្រសួងការបរទេសប្រទេសស្រីលង្កាលោក Mangala Samaraweera បាននិយាយថា ការចុះកិច្ចព្រមព្រៀងជាមួយក្រុមហ៊ុន Google ក្នុងដំណើរការបាឡុងនេះ នឹងចាប់ផ្ដើមដំណើរការនៅប៉ុន្មានខែក្រោយខាងមុខ ហើយក្រុមហ៊ុន Google គ្រោងនឹងចាប់ផ្ដើមបង្ហោះបាឡុងរបស់ខ្លួននៅប៉ុន្មានសប្ដាហ៍ក្រោយ។ ចំពោះការដាក់ដំណើរការរួចរាល់សព្វគ្រប់គឺនៅខែមីនាឆ្នាំ ២០១៦។
តាមការឲ្យដឹងពីទីភ្នាក់ងារសារព័ត៌មាន AFP បានឲ្យដឹងថា មូលហេតុដែល Google ចាប់ផ្ដើមគម្រោងរបស់ខ្លួនដំបូងជាមួយនឹងប្រទេសស្រីលង្កានោះគឺមកពីប្រទេសនេះមានផ្ទៃដីតូចល្មម និងមានប្រជាជនដែលមានសេវាអ៊ីនធឺណិតទូរសព្ទប្រើមានតែ២,៨ លាននាក់ក្នុងចំណោមប្រជាជនសរុប។ មិនត្រឹមតែប៉ុណ្ណោះ ក្នុងនោះចំនួនអ្នកប្រើប្រាស់ថេរមានតែ ៦០៦០០០ នាក់តែប៉ុណ្ណោះ។
ស្រីលង្កាគឺជាប្រទេសដំបូងបំផុតក្នុងពិភពលោកដែលទទួលបានគម្រោងផ្ដល់សេវាអ៊ីនធឺណិតរបស់ Google តាមរយៈបាឡុងហោះនេះ។ បាឡុង Project Loon នឹងហោះអណ្ដែតនៅលើអាកាសក្នុងរយៈកម្ពស់ប្រហែលជា ២០គ.មពីដី ហើយដំណើរការដោយថាមពលបានមកពីបន្ទះសូឡាដែលបំពាក់នៅលើនោះ។ Project Loon វានឹងផ្ដល់សេវាអ៊ីនធឺណិត 3G គ្របដណ្ដប់នៅលើតំបន់ដែលមានអង្កត់ផ្ចិត ៤០ គ.ម៕
អានបន្ត៖ Google Maps បន្ថែមមុខងារថ្មី អាចបង្ហាញពីទីតាំងដែលអ្នកធ្លាប់បានទៅ
ប្រែសម្រួល៖ សំនៀង ប្រភព៖ geeky-gadgets, digitaltrends
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
