Drogba នឹងពាក់អាវលេខ១១នៅក្លិបថ្មីក្នុងប្រទេសកាណាដា
- 2015-07-31 22:03:03
- ចំនួនមតិ 0 | ចំនួនចែករំលែក 0
Drogba នឹងពាក់អាវលេខ១១នៅក្លិបថ្មីក្នុងប្រទេសកាណាដា
ចន្លោះមិនឃើញ
Didier Drogba បានចុះកុងត្រាលេងឱ្យក្លិប Montreal Impact របស់ប្រទេសកាណាដាជាផ្លូវការហើយ ថែមទាំងសង្ឃឹមថានឹងបានបង្ហាញខ្លួនជាលើកដំបូងនៅសប្ដាហ៍ក្រោយទៀតផងដោយពាក់អាវលេខ១១ដូចនៅ Chelsea ដែរ។
Drogba ដែលជាកីឡាករធ្លាប់លេងនៅប្រទេសអង់គ្លេស, បារាំង, ទួរគី និងចិន បានយល់ព្រមចុះកុងត្រាជាមួយក្លិប Montreal Impact របស់ប្រទេសកាណាដា បន្ទាប់ពីបានជួយ Chelsea លើកពាន Premier League កាលពីរដូវកាលមុននេះ។ ខ្សែប្រយុទ្ធសញ្ជាតិកូឌីវ័ររូបនេះបានប្រាប់ពីហេតុផលដែលខ្លួនព្រមទៅលេងនៅទីនោះថា៖ "វប្បធម៌ និងមនុស្សនៅទីនេះជាមូលហេតុដែលធ្វើឱ្យខ្ញុំសម្រេចចិត្តមកលេងជាមួយ Montreal។ ខ្ញុំចង់ដឹងពីអ្វីដែលថ្មីៗ ជាពិសេសលីក MLS (Major League Soccer) ”។
ខ្សែប្រយុទ្ធដែលរកគ្រាប់បាល់បានច្រើនជាងគេក្នុងប្រវត្តិសាស្ត្ររបស់ក្រុមជម្រើសជាតិកូឌីវ័រ (៦៥គ្រាប់) ខាងលើ ត្រូវបានអ្នកគាំទ្រក្រុមតោខៀវចាត់ទុកជាវីរបុរសម្នាក់ ដោយសារតែរូបគេបានជួយក្រុមឈ្នះពាន English Premier League បាន៤ដង និង UEFA Champions League បាន១ដងក្នុងការបង្ហាញខ្លួន៣៨១ប្រកួត៕
ចុចអាន៖លេចចេញ Drogba លួចមានស្រីក្មេងជាបវរកញ្ញា
ប្រែសម្រួល៖ មុន្នី រម្យ ប្រភព៖ dailymail