CL ចេញថតវីដេអូចម្រៀងសម្រាប់អាល់ប៊ុមទោលដំបូងនៅសហរដ្ឋអាមេរិក

2015-08-03 22:45:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អាល់ប៊ុមទោលដំបូងនៅអាមេរិករបស់ សមាជិកក្រុម 2NE1 CL នឹងមកដល់ក្នុងពេលឆាប់ៗនេះហើយ ដោយឥលូវតារាចម្រៀងរូបនេះនឹងចាប់ផ្ដើមថតវីដេអូចម្រៀងរបស់ខ្លួនក្នុងខែសីហានេះ។

តាមការឲ្យដឹងពី Star News តារាស្រីវ័យ២៤ឆ្នាំបានបញ្ចប់ការថតចម្រៀងសម្រាប់អាល់ប៊ុមដំបូងនៅអាមេរិកនេះហើយ ហើយខែនេះពួកគេនឹងចាប់ផ្ដើមថតវីដេអូសម្រាប់បទចម្រៀងទាំងនោះ។

CL នឹងថតវីដេអូចម្រៀងចំនួនពីរបទដែលមួយបទថតនៅប្រទេសកូរ៉េនិងមួយទៀតនៅអាមេរិក។ វីដេអូចម្រៀងរបស់ CL ប្រហែលជាអាចចេញនៅខែកញ្ញាខាងមុខ។ បើតាមប្រភពជិតស្និទ្ធរបស់នាយកប្រតិបត្តិ YG បានប្រាប់ថា លោក Yang Hyun Suk ពេញចិត្តនិងអាល់ប៊ុមថ្មីនេះ។

មួយរយៈចុងក្រោយនេះ CL ហាក់មមាញឹកច្រើនក្នុងការត្រៀមចេញបទចម្រៀងទោលនៅអាមេរិកបន្ទាប់ពីបានចុះកុងត្រាជាមួយផលិតកម្មអាមេរិក SB Projects ដែលគ្រប់គ្រងដោយលោក Scooter Braun ។ ដូច្នេះអ្នកគាំទ្ររបស់សមាជិកក្រុម 2NE1ម្នាក់នេះនឹងអាចឃើញវីដេអូចម្រៀងរបស់នាងក្នុងពេលឆាប់ៗ៕