DJ អាចារ្យធំ និង សិល្បករខ្មែរដទៃទៀត នាំយកជោគជ័យមកកម្ពុជា

2015-08-04 00:16:40
ចំនួនមតិ 0 | ចំនួនចែករំលែក 0

ចន្លោះមិនឃើញ

DJ អាចារ្យធំ និង សិល្បករមួយក្រុមទៀត បាននាំជោគជ័យមកស្រុកកំណើត ក្រោយបេសកកម្ម ២ សប្ដាហ៍នៅប្រទេសថៃក្នុងកម្មវិធី YES Academic Asian ជ្រើសរើសដោយស្ថានទូតសហរដ្ឋអាមេរិក។

“លទ្ធផលសម្រាប់ការងារហ្នឹង! ឃើញថា យើងបានលទ្ធផលល្អ យើងធ្វើបានល្អច្រើនលើឆាកអន្តរជាតិ"។ DJ អាចារ្យធំ ប្រាប់មកកាន់ Sabay មុននេះ។ តារាចម្រៀងរូបនេះបន្តថា សិល្បករពីបណ្ដាប្រទេសអាស៊ានទាំងអស់ និង សិល្បករមកពីជុំវិញពិភពលោកបានសហការគ្នាផលិតជាបទចម្រៀងមួយចំនួន ដើម្បីជាការរឹតចំណងសាមគ្គីភាពរវាងគ្នា និង គ្នាផងដែរ ដូចជា បទ" We Are Family” ជាដើម។

ក្រៅពីការសម្ដែងសិល្បៈ DJ អាចារ្យធំ បញ្ជាក់ថា លោក និង សិល្បករផ្សេងទៀតបានបង្ហាញអត្តសញ្ញាណខ្មែរ តាមរយៈការចែកមួកស្លឹកត្នោត និង ក្រមាខ្មែរដល់អ្នកចូលរួមជាបរទេសជាច្រើនរួមមានមន្ត្រីស្ថានទូតជាដើម ដែលចាត់ទុកថា ជាផ្នែកមួយនៃភាពជោគជ័យ។

DJ អាចារ្យធំ បន្តថា៖ "គេពេញចិត្ត ហើយគេរំភើបព្រោះមិនមានប្រទេសណានឹកឃើញរឿងហ្នឹងទេ សូម្បីថៃម្ចាស់ផ្ទះក៏អត់ចាប់អារម្មណ៍ដែរ"។ លោកបន្ថែមថា មានជនបរទេសខ្លះ បានពាក់មួកត្នោត និងបង់កក្រមាខ្មែរឡើងសម្ដែងទៀតផង។ នេះមិនមែនជារឿងចៃដន្យទេ ប៉ុន្តែជាការត្រៀមទុករួចជាស្រេចរបស់សិល្បករខ្មែរទាំងអស់ ដែលបានចូលរួមទាំងផ្នែករាំ ច្រៀង និង Rap។

តារា Rap ខាងលើបញ្ជាក់ថា ក្នុងនាមជាអ្នកចូលរួមម្នាក់តំណាងឱ្យសិល្បករផ្សេងទៀត គឺសុទ្ធសឹងតែមានការសប្បាយចិត្ត និងមោទនភាពចំពោះដំណើរលើកនេះ និងបានផ្សព្វផ្សាយនូវអ្វីជាវប្បធម៌ខ្មែរ៕

អានអត្ថបទ៖ ករុណា ពេជ្រ បដិសេធថា គ្មានភាគហ៊ុននៅថោនសូម្បីតែ ១ ភាគរយ

អានអត្ថបទ៖ ក្រសួងវប្បធម៌សន្យាជួយ Angelina Jolie ពេញទំហឹងដើម្បីផលិតភាពយន្តពីកម្ពុជា