​​​Jamie Carragher វីរបុរស​ក្រុម​ Liverpool បាន​លើក​ឡើង​ថា ​កីឡាករ​ចំណូល​ថ្មី​របស់​ក្រុម​គូ​ប្រជែង​ Chelsea ទាំង​ ៤​​ ដែល​ពួកគេ​ទើប​តែ​ទិញ​ចូល​​រដូវ​ក្ដៅ​នេះ នៅ​តែ​គ្មាន​នរណា​ម្នាក់ មាន​សមត្ថភាព​​ល្អ​ដូច​​​កីឡាករ​ក្នុង​ជម្រើស​១១​នាក់ របស់​លោក​ Jose Mourinho។

​Man Utd បាន​​ទិញ​ចូល​តារា​ឆ្នើមៗ​មួយ​ចំនួន​ដូច​ជា Bastian Schweinsteiger, Memphis Depay និង​ Morgan Schneiderlin...ខណៈ​ដែល​ Man City បាន​ទិញ​យក​តារា​វ័យ​ក្មេង​របស់​អង់គ្លេស​ Raheem Sterling និង​ Fabian Delph ​ពី​ Aston Villa។

ចំណែក​ឯ​ក្រុម​ Liverpool បាន​ទិញ​ចូល​ខ្សែ​ប្រយុទ្ធ Christian Benteke និង​ ខ្សែ​បម្រើ​ Roberto Firmino...ស្រប​ពេល​ដែល​ Arsneal ទិញ​បាន​អ្នកចាំទី​​ដៃ​ស្អិត​ Petr Cech...។

ទោះ​ជា​ក្រុម​គូប្រជែង​របស់​ Chelsea ទាំង​៤​នេះ​ទិញ​ចូល​ច្រើន ហើយ​​តោ​ខៀវ​ពុំ​សូវ​ទិញ​ចូល​ក៏​ដោយ ប៉ុន្តែ​​លោកCarragher យល់​ថា ​អ្នកចាត់ការ​​ Mourinho គ្មាន​អ្វី​គួរ​ឲ្យ​​គួរ​ឲ្យ​បារម្ភ​ឡើយ ​ព្រោះ​កីឡាករ​ទាំង​អស់​នោះ គ្មាន​នរណា​ម្នាក់​ល្អ​គ្រប់​គ្រាន់ ស្មើ​នឹង​កីឡាករ​ក្រុម​​ការពារ​តំណែង​ជើង​ឯក​ផង។

Carragher អ្នក​វិភាគ​ប្រចាំ​ទូរទស្សន៍​ Sky Sports បាន​និយាយ​ថា៖ "ខ្ញុំ​បាន​តាម​ដាន​ការ​​ដោះដូរ​កីឡាករ​រដូវ​ក្ដៅ​នេះ​គ្រប់​ក្រុម​ទាំង​អស់ ហើយ​ខ្ញុំ​យល់​ថា​លោក​ Mourinho គួរ​តែ​អស់​បារម្ភ ព្រោះ​​គ្មាន​កីឡាករ​ណា​ម្នាក់ ក្នុង​ចំណោម​ដែល​ពួកគេ​​បាន​ទិញ​ចូល​នោះ ល្អ​ដូច​កីឡាករ​ជម្រើស​១១​នាក់​របស់​​ក្រុម​គាត់​ឡើយ"៕

​ចុះ​ប្រិយមិត្ត​យល់​ស្រប​តាម ការ​លើក​ឡើង​របស់​ Carragher ខាង​លើ​នេះ​ទេ?

-ចុចអាន៖ តើ​​ប្រព័ន្ធ​ការពារ​ក្រុម​ខ្លាំង​ទាំង​៥ EPL ណា​មួយ ល្អ​​ជាង​គេ​បំផុត?

​ប្រែ​សម្រួល៖ វិន ជីវ័ន្ត ប្រភព៖ dailymail