៧យ៉ាងនេះអាចបញ្ជាក់ថាគេកំពុងលួចស្រលាញ់អ្នកហើយ

2015-08-10 21:41:04
ចំនួនមតិ 0 | ចំនួនចែករំលែក 0

ចន្លោះមិនឃើញ

មានស្នេហាគឺជារឿងធម្មតារបស់មនុស្សទៅហើយ ប៉ុន្តែខុសគ្នាត្រង់អ្នកខ្លះក្លាហានមានសង្សារបណ្ដើរ ឯអ្នកខ្លះទៀតលឹបលៗមិនហ៊ានបង្ហើបការពិត បានត្រឹមកួចចិត្តប្រតិព័ទ្ធម្នាក់ឯង។ ចុះមិត្តៗយុវវ័យមានដឹងទេ សកម្មភាពណាខ្លះអាចសម្គាល់ថាមានមនុស្សកំពុងលួចស្រលាញ់អ្នក?

បើធ្លាប់ជួបប្រទះចំណុចទាំង៧ ខាងក្រោមនេះ មានន័យថាគេកំពុងលួចស្រលាញ់អ្នកហើយ៖

១. ញញឹមរកអ្នកដោយគ្មានមូលហេតុ

មានសម្គាល់ឃើញទេ ពេលងាកចំមុខគេម្ដងៗ ឃើញស្នាមញញឹមខុសប្លែកពីមនុស្សធម្មតា។ នេះជាអារម្មណ៍រំភើបដែលគេមាន ហើយក៏អាចបញ្ជាក់ថាគេលង់ស្រលាញ់អ្នក ទើបធ្វើឲ្យគេអាចបញ្ចេញស្នាមញញឹមគ្រប់ពេលវេលា។

២. តែងប្រាប់អ្នកពីរឿងពិសេសណាមួយ

គេចាប់ផ្ដើមទុកចិត្តអ្នក បង្ហើបរឿងសម្ងាត់ប្រាប់ រួចហាមឃាត់មិនឲ្យអ្នកទីបីដឹង ហើយពេលខ្លះទៀតនិយាយរឿងរីករាយឲ្យអ្នកស្ដាប់ដោយមិនចេះធុញទ្រាន់។ ពេលខ្លះគេអាចជាមនុស្សលេងសើចច្រើន ប៉ុន្តែពេលនិយាយជាមួយអ្នក គេបែរជាមនុស្សចេះគិត នេះហើយឥទ្ធិពលនៃការស្រលាញ់។

៣. អៀនច្រើនពេលនិយាយជាមួយអ្នក

និយាយជាមួយអ្នកផ្សេងធម្មតា ប៉ុន្តែពេលនិយាយជាមួយអ្នក គេបែរជាចាប់ផ្ដើមរៀបពាក្យយ៉ាងត្រឹមត្រូវ ហើយប្រែទឹកមុខអៀនប្រៀន។ ពេលខ្លះសូម្បីមិននិយាយអ្វីសោះ ក៏គេអាចបញ្ចេញស្នាមញញឹមទាំងភ្លេចខ្លួន។

៤. លួចមើលអ្នកគ្រប់ពេល

គេតែងសម្លឹងមើលអ្នកគ្រប់ពេលមានឱកាស ប៉ុន្តែនៅពេលសម្លឹងរកវិញ គេបែរជាងាកទៅឆ្វេងស្ដាំធ្វើមិនដឹង។ មិនមែនអ្នកជាមនុស្សចម្លែកទេ គឺមកពីក្នុងចិត្តគេកំពុងលួចស្រលាញ់អ្នក ទើបអាចចំណាយពេលគយគន់មិនចេះនឿយហត់បែបនេះ។

៥. ចង់នៅក្បែរអ្នក

គេចង់ចំណាយពេលនៅក្បែរអ្នកឲ្យបានច្រើន ទោះបីអង្គុយរៀននៅក្នុងសាលា ឬទៅលេងកម្សាន្តនៅកន្លែងណាមួយ។ គេចាប់ក្រុមធ្វើកិច្ចការសាលាជាមួយអ្នក ដើម្បីបានពិភាក្សាគ្នាច្រើន ហើយពេលខ្លះទៀតគេថែមទាំងរកអ្នកឲ្យជួយ បើទោះបីដឹងថាអាចធ្វើដោយខ្លួនឯងកើត។ ៦. ព្យាយាមធ្វើខ្លួនជាសុភាពបុរស ឬនារីរម្យទម

ចំពោះអ្នកដទៃ គេជាមនុស្សអាត្មានិយមគិតពីខ្លួនឯងម្នាក់គត់ ប៉ុន្តែចំពោះអ្នក គេបែរជាសុភាពបុរសពិតៗចេះជួយសុខទុក្ខ ឬព្យាយាមធ្វើជានារីមិនលេងសើចផ្ដេសផ្ដាសច្រើន។ ចំណុចទាំងនេះ អាចបង្ហាញថា គេកំពុងកែប្រែឥរិយាបថ ចំពោះមុខមនុស្សម្នាក់ដែលគេលួចស្រលាញ់។

៧. ផ្ញើសារ និងឆាតរកអ្នកគ្រប់ពេល

មិនថាថ្ងៃ ឬយប់ អាកាសធាតុក្ដៅ ឬត្រជាក់ធ្លាក់ភ្លៀង គេតែងបារម្ភពីអ្នក ផ្ញើសារសួរសុខទុក្ខ និងឆាតរកគ្រប់ពេលវេលា។ ពេលព្រឹកគេតែងចាប់ផ្ដើមដោយពាក្យ Good Morning ឯពេលយប់បញ្ចប់ទៅវិញដោយពាក្យ Good Night ឬ Sweet Dream ជាដើម៕

ធ្លាប់ជួបប៉ុន្មានចំណុចដែរ?

ចុចអាន៖ ទង្វើ៦យ៉ាងបង្ហាញថា មិត្តប្រុសអ្នកចេញក្រឡាបោកតាំងពីដំបូង

ចុចអាន៖ ១០ចំណុច ដើម្បីស្វែងរកស្នេហាថ្មី បន្ទាប់ពីខូចចិត្ត

ដោយ៖ គង់ វិសាល ប្រភព៖ Likelovequote