តួឯកប្រុស "Titanic” ឈ្នះក្ដីរឿងគេចោទថាមានកូនជាមួយ Rihanna

2015-08-11 19:02:56
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាមានឈ្មោះបោះសម្លេងតាមរយៈរឿង "Titanic” Leonardo DiCaprio ត្រូវតុលាការសម្រេចឲ្យឈ្នះក្ដីលើទស្សនាវដ្ដី Oops របស់ប្រទេសបារាំង បន្ទាប់ពីទស្សនាវដ្ដី មួយនេះចុះផ្សាយថា លោកមានកូនជាមួយតារាចម្រៀង Rihanna។

តារាសម្ដែងប្រុសដែលធ្លាប់លេចឮទំនាក់ទំនងជាមួយ Rihannaកាលពីដើមឆ្នាំ ត្រូវបានទស្សនាវដ្ដីខាងលើចុះផ្សាយកាលពីថ្ងៃទី១៣ខែឧសភាថា អ្នកទាំងពីរទាំងពីរត្រូវគេសង្ស័យថា មានផ្ទៃពោះជាមួយគ្នា ថែមទាំងនិយាយបន្ថែមថា Leonardo មិនចង់ក្លាយជាឪពុកកូននេះទៀតផង។

នៅលើក្របមុខនៃទស្សនាវដ្ដី គេបានដាក់ចំណងជើងធំៗថា៖ "Rihanna មានទម្ងន់ជាមួយ Leonardo: Leonardo មិនចង់បានកូននោះទេ"។

តាមការរាយការណ៍ពី Gossip Cop តារាប្រុសវ័យ៤០ឆ្នាំរូបនេះ បានឈ្នះការប្ដឹងលើទស្សនាវដ្ដីបារាំងខាងលើ ហើយពួកគេបានសងថ្លៃជំងឺចិត្ត និងសេវាផ្លូវច្បាប់ចំនួន ៨ ៨០០ដុល្លារ។

ម្ចាស់ទស្សនាវដ្ដី Oops ប្រាប់ពីកំហុសខ្លួនថា ពួកគេមិនបានដឹងច្បាស់ថា Rihanna មានផ្ទៃពោះពិតប្រាកដ ឬយ៉ាងណានោះទេ។ "ពួកយើងគ្រាន់តែគិតថា នាងប្រហែលជាមាន។ ប៉ុន្តែពួកយើងមិនដឹងរឿងនេះច្បាស់លាស់ទេ"។

ម្ចាស់ទស្សនាវដ្ដីបានបន្ថែមប្រាប់ Gossip Cop ថា៖"ពួកយើងព្រមទទួលការសម្រេចរបស់តុលាការ។ ក្នុងប្រទេសបារាំង នៅពេលដែលទស្សនាវដ្ដីណាមួយហ៊ានចុះផ្សាយនិយាយពីជីវិតឯកជនរបស់តារាណាម្នាក់ ទស្សនាវដ្ដីនោះនឹងត្រូវថ្កោលទោលជាស្វ័យប្រវត្តិ"៕