Fan Bingbing ជាប់លេខ៤ជាតារាសម្ដែងស្រីរកចំណូលបានច្រើនជាងគេលើលោក

2015-08-21 20:59:21
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រីចិន Fan Bingbing បានឈរចំណាត់ថ្នាក់លេខ៤ ជាតារាសម្ដែងស្រីរកចំណូលបានច្រើនជាងគេលើលោកក្នុងឆ្នាំ២០១៥នេះ ពោលគឺរកបាន២១លានដុល្លារ។ ចំណូលនេះចាប់គិតត្រឹមខែមិថុនា ឆ្នាំ២០១៤ ដល់ខែ មិថុនាឆ្នាំ២០១៥។ ចំណាត់ថ្នាក់នេះចេញដោយទស្សនាវដ្ដីអាមេរិក Forbes ។

នេះគឺជាប្រវត្តិសាស្ត្រថ្មី សម្រាប់តារាស្រីវ័យ៣៣ឆ្នាំរូបនេះ ដែលជាប់ឈ្មោះជាតារាសម្ដែងស្រីរកចំណូលបានច្រើនជាងគេក្នុងបញ្ជីទស្សនាវដ្ដី Forbes របស់អាមេរិក។ ក្រៅពី Fan Bingbing ចំណាត់ថ្នាក់កំពូលៗទាំង១០ សុទ្ធសឹងជាតារាហូលីវូដទាំងអស់ ដែលក្នុងនោះលេខ១បានទៅតារាសម្ដែងស្រីក្នុងរឿង “X-Men” នាងJennifer Lawrence ដោយរកចំណូលបាន៥២លានដុល្លារ។

ចំណាត់ថ្នាក់លេខ២ បានទៅតារាសម្ដែងតួរឿង "Lucy” Scarlett Johansson ដែលរកចំណូលបាន ៣៥,៥លានដុល្លារ ដែលចំនួននេះតិចជាង Jennifer ជិត២០លានដុល្លារឯណោះ។ រីឯអ្នកលេខ៣ធ្លាក់ទៅលើតារាសម្ដែងរឿង "Spy” Melissa McCarthy ដែលរកប្រាក់បាន ២៣លានដុល្លារ នាំមុខ Fan Bingbing តែ២លានដុល្លារប៉ុណ្ណោះ។

រីឯតារាសម្ដែង Sandra Bullock ដែលឈរលេខ១កាលពីឆ្នាំមុន បានធ្លាក់ទៅបាតតារាងវិញ បន្ទាប់ពីរកចំណូលត្រឹមតែ ៨លានដុល្លារតែប៉ុណ្ណោះក្នុងមួយឆ្នាំកន្លងទៅ។

ខាងក្រោមជាតារាឈ្មោះតារាសម្ដែងស្រីដែលរកចំណូលបានច្រើនជាងគេឆ្នាំ២០១៥៖