ហិបប្រធានវិញ្ញាសាបានដឹក និង រក្សាទុកនៅសាលារាជធានី-ខេត្ត ២៥ ហើយ

2015-08-22 16:28:43
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាំពាក្យក្រសួងអប់រំយុវជន និង កីឡា បានឲ្យដឹងថា ហិបប្រធានវិញ្ញាសា បានដឹកចេញ និង រក្សាទុកនៅសាលារាជធានី-ខេត្ត ២៥ រួចហើយ កាលពីម៉ោង ៤:៣០ នាទី រសៀល ម្សិលមិញនេះ។

លោក រស់ សាលីន បាននិយាយថា គណៈមេប្រយោគទូទាំងប្រទេស គណៈអប្បមាទទូទាំងប្រទេសបានដឹកហិបរក្សាទុកនៅសាលាខេត្ត-រាជធានី ទូទាំងប្រទេស ប្រកបសុវត្ថិភាព និង មានការចូលរួមសង្កេតការណ៍ពីអង្គភាពប្រឆាំងអំពើពុករលួយ អ្នកអង្កេតការណ៍ផ្សេងៗ និង កងកម្លាំងការពារសន្តិសុខ។

ទន្ទឹមនឹងការដឹករក្សាទុកហិបប្រធានវិញ្ញាសានេះ លោក សាលីន បានលើកឡើងថា ហេដ្ឋារចនាសម្ព័ន្ធផ្លូវល្អ និង ពុំមានភ្លៀងធ្លាក់រំខាន ការដឹកជញ្ជូនវិញ្ញាសា បានប្រព្រឹត្តទៅប្រកបដោយរលូន។ កាលពីឆ្នាំទៅ ភ្លៀងបានរំខាន ដែលធ្វើឲ្យមណ្ឌលប្រលងមួយចំនួននៅក្នុងខេត្តរតនគីរីធ្វើការផ្លាស់ប្ដូរមណ្ឌលប្រលង៕