ហម ឈរ៉ា ហូរទឹកភ្នែកកណ្ដាលវាលអាណិតកុនខ្មែរ

2015-08-24 16:57:40
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់ លោក ហម ឈរ៉ា បាន បង្ហូរទឹកភ្នែករលីងរលោង នៅកណ្ដាលហ្វូងមនុស្សម្នាជាច្រើន គ្រាដែលលោកបានឡើងថ្លែង ពីជីវិតក្រលំបាក វេទនា របស់សិល្បករ សិល្បការិនីមួយចំនួន ដែលដល់ថ្នាក់សំពះស្មើសុំជំនួយពីសប្បុរសជន ។

"ខ្ញុំនិយាយមិនចេញទេ ពេលឃើញ ពួកគាត់សំពះសុំប្រាក់គេដូចនេះ"។ លោក ហម ឈរ៉ា ថ្លែងតែប៉ុណ្ណេះ ក៏បង្ហូរទឹកភ្នែក រួចក៏ដាក់ក្បាលមីក្រូចុះ អង្គុយយកដៃជូតទឹកភ្នែក លែងនិយាយអ្វីទាំងអស់ ប៉ុន្តែប៉ុន្មាននាទីក្រោយមក អារម្មណ៍របស់លោកក៏វិលមកសភាពដើមវិញ។

ការបង្ហូរទឹកភ្នែករបស់សិល្បករ លោក ហម ឈរ៉ា នេះ បានធ្វើឡើង កាលពីចុងសប្ដាហ៍កន្លងទៅ គ្រាដែលតារារូបនេះបានចូលរួមក្នុងពិធីជួបជុំរបស់ សមាគមសិល្បករខ្មែរ និងសមាគមភាពយន្តកម្ពុជា ជជែកគ្នាជុំវិញផលប៉ះពាល់លើការចាក់បញ្ចាំងភាពយន្តបរទេសលើកញ្ចក់ទូរទស្សន៍បច្ចុប្បន្ន ។

ក្រៅពីបង្ហាញជុំវិញកង្វល់ ភាពយន្តបរទេសធ្វើឲ្យជះឥទ្ធិពលដល់ ភាពយន្តជាតិ លោក ហម ឈរ៉ា ក៏បានបង្ហាញពី ក្ដីអាណិតសិល្បករសិល្បៈការិនីចាស់ ដែលបាត់បងសមត្ថភាពការងារ ធ្លាប់ខ្លួនឈឺ គ្មានលទ្ធភាពព្យាបាល ហើយស្នើសុំជំនួយពីសប្បុរសជន៕

អានអត្ថបទ៖ លែងលះប្ដីភ្លាម ម៉ៅ ស៊ីណាត ទៅកែសម្ផស្សអស់១២៥០០ដុល្លារ

អានអត្ថបទ៖ តាំងពីចូលសិល្បៈ ដឹងថា ឌុច លីដា ប្ដូររថយន្តប៉ុន្មានគ្រឿងអត់?

អត្ថបទ៖ ខុត សីហា