លោកតាវ័យ៧០ឆ្នាំដើរសុំទានផ្គត់ផ្គង់គ្រួសារផ្អើលអ៊ីនធឺណិត
- 2014-09-16 22:52:03
- ចំនួនមតិ 0 | ចំនួនចែករំលែក 0
លោកតាវ័យ៧០ឆ្នាំដើរសុំទានផ្គត់ផ្គង់គ្រួសារផ្អើលអ៊ីនធឺណិត
ចន្លោះមិនឃើញ
រូបថតជាច្រើនសន្លឹកនៃលោកតាវ័យចំណាស់ម្នាក់ អង្គុយរាប់លុយដែលបានមកពីសុំទានគេ ផ្ញើទៅគ្រួសារនៅប៉ុស្តិ៍ប្រៃសណីយ៍មួយកន្លែងក្នុងប្រទេសចិន កំពុងវាយលុកបណ្ដាញអ៊ីនធឺណិតយ៉ាងខ្លាំង។
លោកតាវ័យ៧០ឆ្នាំ មកពីខេត្តជាំងសូ បានដើរសុំទានរាល់ថ្ងៃក្នុងក្រុងប៉េកាំង ហើយផ្ញើប្រាក់ប្រមាណ ១ ម៉ឺនយ័ន(១៦០០ ដុល្លារ) ទៅផ្គត់ផ្គង់គ្រួសាររាល់ខែ។ បុរសចំណាស់នេះបាននិយាយថា ប្រាក់ដែលបានមកពីការសុំទាន គឺជាប្រភពចំណូលតែមួយគត់សម្រាប់គ្រួសារលោក។ ប្រាក់ទាំងអស់នោះសម្រាប់ផ្គត់ផ្គង់និស្សិត ៣ នាក់ក្នុងគ្រួសារឲ្យរៀននៅសាកលវិទ្យាល័យ និងសាងសង់ផ្ទះពីរជាន់នៅស្រុកកំណើត។
-អានអត្ថបទ៖ ១០ យ៉ាងដែលអ្នកគួរដឹងពីមហាសេដ្ឋីទឹកប្រាក់ពាន់លានដុល្លារ
អ្នកធ្វើការនៅប៉ុស្តិ៍ប្រៃសណីយ៍បានឲ្យដឹងថា ក្នុងមួយខែលោកតាម្នាក់នេះតែងតែយកប្រាក់ប្រមាណ ១៦០០ ដុល្លារ ឬ ៣២០០ ដុល្លារ នៅថ្ងៃបុណ្យទានផ្សេងៗ ផ្ញើទៅគ្រួសារ។
បុរសវ័យចំណាស់បាននិយាយថា “អ្នកណាជួយរាប់លុយ ខ្ញុំអោយលុយធីប ១០០ យ័ន"។ ប៉ុន្តែអ្នកនៅទីនោះ បានជួយលោកគ្រប់ពេល ដោយមិនយកលុយធីបអ្វីឡើយ។ "យើងមិនបានយកលុយធីបលោកតាទេ ហើយពេលនេះលោកគឺជាម៉ូយដុំរបស់យើង។ អ្នកធ្វើការនៅប៉ុស្តិ៍ប្រៃសណីយ៍ បាននិយាយ៕
ប្រែសម្រួល៖ គង់ វិសាល ប្រភព៖ shanghaiist