ដឹង PeyPey Dy ស៊ីថ្លៃ១រឿង ប៉ុន្មានអត់?

2015-08-28 15:13:42
ចំនួនមតិ 0 | ចំនួនចែករំលែក 0

ចន្លោះមិនឃើញ

"គេឲ្យខ្ញុំ ៥០០ ទៅ ៧០០ អីទេ ក្នុង១រឿង"នេះជាការលើកឡើងរបស់លោក PeyPey Dy តារាសម្ដែងល្បីតាមរយៈ Facebook ប្រាប់ Sabay ព្រឹកនេះ។

តម្លៃ៥០០ ទៅ ៧០០ដុល្លារនេះ តារាខាងលើ ត្រូវប្រើពេលថត ចន្លោះពី៥ទៅ ១០ថ្ងៃ ប៉ុន្តែបើថតច្រើនថ្ងៃជាងនេះ លោកនិងទារថ្លៃច្រើនជាងនេះ ។ "បើថតរាប់ខែដូចគេខ្ញុំអត់ដែលផង ព្រោះរឿងទាំងប៉ុន្មានដែលខ្ញុំថត ភាគច្រើនរឿងខ្នាតធំ គេថតមិនដែលយូរ យ៉ាងច្រើន១០ថ្ងៃ ទេ" PeyPey Dy ថ្លែង។

សម្រាប់តម្លៃខាងលើ PeyPey Dy លើកឡើងថា វាល្មមនឹងប្រជាប្រិយភាពនាពេលបច្ចុប្បន្ននេះហើយ ព្រោះផលិតកម្មធ្វើក៏មិនចំណេញខ្លាំងអ្វីប៉ុន្មាននោះដែរ ដូចនេះត្រូវតែជួយគ្នាទៅវិញទៅមក ដើម្បីសិល្បៈទាំងអស់គ្នា។

ចាប់តាំងពីប្រលូកសិល្បមក PeyPey Dy ធ្លាប់ថតបានជិត១០រឿងមកហើយ មានដូចជា “ព្រាយបាតបល្ល័ង្ក” "បេសកកម្មមរណៈ "ភូមិគ្រឹះបិសាច" "ថាខូចខូចមែន" "ព្រលឹង Facebook" និងរឿង "មេខ្ញុំកប់ការី" ដែលលោកបានធ្វើជាតួឯកទើបតែបញ្ចប់ការថតកាលពីពេលថ្មីៗនេះ និង ២ទៀត កំពុងដំណើរការថត ។ តួដែលលោក សម្ដែង ភាគច្រើនអ្នកដឹកនាំ តម្រូវឲ្យលោកដើរតួឡប់ៗ ឆ្កួតៗ ម្ញ៉ិកម្ញ៉ក់ ជាដើម។ មុនឈានដល់តម្លៃខ្លួនដូចលើកឡើងខាងលើ ដំបូងឡើយ PeyPey Dy ប្រាប់ថា ថតបានត្រឹមតែ២០ ដុល្លារប៉ុណ្ណោះក្នុង១ថ្ងៃ៕

អានអត្ថបទ៖ ផ្ទុះរឿងឪពុក ភិន សុដាលីស ទាត់ ប៉ែន ចំរុង ៣ជើងយប់មិញ

អានអត្ថបទ៖ ឧកញ៉ា ឃ្លោក ចង់បានងារមួយបន្ថែមទៀត

អត្ថបទ៖ ខុត សីហា