Facebook បំបែកកំណត់ត្រាថ្មី តែមួយថ្ងៃមានអ្នកចូលប្រើ១ពាន់លាននាក់

2015-08-28 16:47:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញសង្គម Facebook បានបំបែកកំណត់ត្រាដ៏អស្ចារ្យមួយកាលពីម្សិលមិញ នោះគឺមានអ្នកចូលប្រើវិបសាយរបស់ខ្លួនដល់ទៅមួយពាន់លាននាក់ ឬក្នុងចំណោមមនុស្ស៧នាក់ មានម្នាក់ប្រើប្រាស់បណ្ដាញសង្គមរបស់ខ្លួនក្នុងមួយថ្ងៃ។

នៅប៉ុន្មានម៉ោងមុននេះ ស្ថាបនិក Facebook លោក Mark Zuckerberg បានធ្វើការបង្ហោះសារលើគណនីរបស់ខ្លួនដើម្បីប្រកាសពីកំណត់ត្រាថ្មី ដែលទើបបានទទួលបាន។ លោកបានថ្លែងដូច្នេះថា "នេះជាលើកទីមួយហើយដែលមានចំនួនអ្នកប្រើប្រាស់ Facebook ១ពាន់លាននាក់ក្នុងពេលតែមួយថ្ងៃ។ កាលពីថ្ងៃចន្ទនេះ មានមនុស្សចំនួនមួយនាក់ក្នុងចំណោមប្រាំពីរនាក់គឺប្រើប្រាស់បណ្ដាញ Facebook ដើម្បីភ្ជាប់ទំនាក់ទំនងទៅកាន់គ្រួសារ និងមិត្តភ័ក្ដិ”។

គួរបញ្ជាក់ថា កាលពីឆ្នាំ ២០១២ បណ្ដាញ Facebook បានប្រកាសថា អ្នកប្រើប្រាស់ប្រចាំខែដែលប្រើប្រាស់យ៉ាងតិចមួយដងក្នុងមួយខែ គឺមានចំនួន១ពាន់លាននាក់ ប៉ុន្តែត្រឹមតែបីឆ្នាំសោះ តួលេខប្រចាំខែបានក្លាយទៅជាតួលេខប្រចាំថ្ងៃបាត់ទៅហើយ។

-ចុចអាន៖ របៀបបិទមិនឲ្យគេបើកវិបសាយផ្ដេសផ្ដាសនៅលើកុំព្យូទ័រ

ប្រែសម្រួល៖ ហៃ សុខហេង ប្រភព៖ bbc