កម្ពុជា ចាញ់ ឡាវ ២-១ ឯ U-16 កម្ពុជា ចាញ់ U-16 ម៉ាឡេស៊ី ២-០
- 2015-08-30 02:08:39
- ចំនួនមតិ 0 | ចំនួនចែករំលែក 0
កម្ពុជា ចាញ់ ឡាវ ២-១ ឯ U-16 កម្ពុជា ចាញ់ U-16 ម៉ាឡេស៊ី ២-០
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាបានចាញ់ក្រុមជម្រើសជាតិឡាវដោយលទ្ធផល ២-១ សម្រាប់ការប្រកួតមិត្តភាពអន្តរជាតិនៅកីឡដ្ឋាន Rajamangala stadium ក្នុងទីក្រុងបាងកក ប្រទេសថៃដើម្បីត្រៀមយុទ្ធនាការជម្រុះ 2018 FIFA World Cup Russia ជាមួយក្រុមយក្សប្រចាំតំបន់អាស៊ី ដូចគ្នា។
តាមការឲ្យដឹងពីលោក ឆាំង ពិសិដ្ឋ អ្នកចាត់ការក្រុមជម្រើសជាតិកម្ពុជាតាម Facebook ថា ឡាវបានឈ្នះកម្ពុជា ២-១ ដោយ ក្រុមឡាវបានទម្លាយសំណាញ់ទីរបស់កម្ពុជានៅដើមតង់ទី១ក្នុងនាទីទី១១ ដោយកីឡាករ Khanthavong ប៉ុន្តែនៅចុងតង់ទី១នាទីទី៤៥ សមាជិកក្លិបភ្នំពេញក្រោន ធារី ចន្ថាប៊ីន បានជួយឲ្យកម្ពុជាតាមស្មើ ១-១។ ចូលតង់ទីពីរ ក្រុមឡាវបាននាំមុខម្តងទៀតនៅដើមតង់ដោយ Khanthavong ដដែលនៅនាទី៤៧ ខណៈក្រុមកម្ពុជាមិនអាចតាមស្មើបានទេ។ ចប់ការប្រកួតកម្ពុជាចាញ់២-១ នៅលើទឹកដីថៃ។
កម្ពុជា (ខៀវ) និង ឡាវ (ក្រហម)កាលប្រកួតនៅភ្នំពេញ
ចំពោះក្រុមបាល់ទាត់យុវជនជម្រើសជាតិកម្ពុជាអាយុក្រោម១៦ឆ្នាំ (U-16) បានចាញ់ម្ចាស់ផ្ទះ U-16 ម៉ាឡេស៊ី ដោយលទ្ធផល ២-០ សម្រាប់ការប្រកួតមិត្តភាពអន្តរជាតិកម្តៅសាច់ដុំដែលធ្វើនៅប្រទេសម៉ាឡេស៊ី កាលពីល្ងាចមិញនេះ។
ក្រុម U-16 កម្ពុជា (រូបថត៖ សហព័ន្ធបាល់ទាត់ម៉ាឡេស៊ី)
អត្ថបទ៖ ជាន ចាន់រ៉ា