Floyd មានស្រីផ្គើនចង់វាយ ហើយគេថាអាចផ្ដួលអ្នកប្រដាល់រួបនេះបានទៀតផង

2015-08-30 17:09:47
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មិនដែលចាញ់ Floyd Mayweather និងអ្នកប្រដាល់ក្នុងទ្រុងស្រី Ronda Rousey បានបន្តឌឺដងដាក់គ្នា ក្រោយប៉ះសំដីគ្នាកាលពីសប្ដាហ៍មុន។

ការប៉ះសម្ដីគ្នានេះបានកើតឡើងនៅពេល Rousey និយាយថា តាមពិតក្នុងមួយវិនាទី នាងរកលុយបានច្រើនជាង Floyd ដែលរកបានក្នុងមួយវិនាទីទៅទៀត។ នៅថ្ងៃបន្ទាប់ Floyd បានចេញមកថ្លែងថា៖ "នាងគ្មានថ្ងៃណាអាចស្មើនឹងខ្ញុំបានឡើយ"។

Rousey គឺជាអ្នកប្រដាល់ក្នុងទ្រុងស្រី ដ៏ល្បីឈ្មោះមួយរួប។ កន្លងមក នាងបានទាំងឈ្នះពាន ជាអ្នកប្រដាល់ស្រីល្អបំផុត និងពានអត្តពលិកស្រីល្អផ្ដាច់។

ក្នុងកិច្ចសម្ភាសន៍ឲ្យសារព័ត៌មានមួយ Rousey បានលើកជាចម្ងល់ថា៖ "តើ Floyd នឹងមានអារម្មណ៍យ៉ាងណា បើត្រូវឡើងវាយជាមួយមនុស្សស្រីនៅថ្ងៃណាមួយ?”។

Rousey បានបន្តទៀតថា៖ "ខ្ញុំចូលចិត្តមើលគាត់ធ្វើពុតថាមិនស្គាល់ខ្ញុំជានរណា" ជាការឆ្លើយតបទៅលើពាក្យសម្ដីដែល Floyd និយាយកន្លងមកថា៖ "មិនដែលស្គាល់ថា [Rousey] ជានរណានោះទេ"។

Brian Michelino គ្រូប្រដាល់មួយរូបនៅក្នុងទីក្រុងញីវយ៉ក រៀបរាប់ថា បច្ចេកទេសវាយរបស់ Rousey អាចនឹងយកឈ្នះ Floyd បានក្នុងកម្មវិធីប្រដាល់ក្នុងទ្រុង ដោយសារការប្រដាល់ប្រភេទនេះអនុញ្ញាតឲ្យប្រើទាំងជើង ទាំងដៃ និងវាយបានពេលដួលទៅលើតាបទីទៀតផង។

ប៉ុន្តែអ្នកប្រដាល់ស្រីទម្ងន់ធ្ងន់លំដាប់ពិភពលោក Sonya Lamonakis បានប្រាប់ដល់សារព័ត៌មាន Business Insider ថា៖ "Floyd អាចវាយ Rousey ឲ្យសន្លប់តែក្នុងរយៈពេល៣វិនាទី"។

Bruce Silverglade ម្ចាស់កន្លែងហាត់ប្រដាល់ក្នុងទីក្រុងញីវយ៉កដែរ ដែលបង្ហាត់អ្នកប្រដាល់ស្រីដំបូងគេបង្អស់នៅសហរដ្ឋអាមេរិក ឲ្យដឹងថា៖ "ស្ត្រីជាអត្តពលិកដ៏ល្អ និងមានបច្ចេកទេសឡូយ ប៉ុន្តែអ្វីដែលមិនអំណោយផលឱ្យគឺផ្នែករាងកាយ។ រាងកាយបុរសគឺរឹងមាំពិបាកក្នុងការផ្ដួលណាស់សម្រាប់នារី"។

ចុះបើការប្រកួតនេះអាចមានមែន តើអ្នកយកខាងណា?

-ចុចអាន៖ Floyd សូម្បីតែហ្វឹកហាត់ក៏ប្រើដៃម្ខាងឱបលុយដែរ

ប្រភព៖ yahoo