បុរសកម្លាំងប៉ងរំលោភយាយ ៨១ ឆ្នាំ តែចាញ់កល...ជាប់ខ្នោះ!

2015-08-30 18:49:54
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ ៣២ ឆ្នាំម្នាក់ បានជាប់ខ្នោះដៃ និងទ្រុងដែក ក្រោយរូបគេចាញ់កលល្បិច លោកយាយវ័យ ៨១ ឆ្នាំ ជាអ្នកភូមិផងរបងជាមួយគ្នា បន្ទាប់ពីមានបំណងប៉ុនប៉ងរំលោភ។

ក្នុងហេតុការណ៍នេះ ជនរងគ្រោះឈ្មោះ Yom Klinpalat ប្រាប់ទៅកាន់ប៉ូលិសដោយមិនស្ទាក់ស្ទើរថា លោកយាយកំពុងតែលង់លក់ ពេលអ្នកជិតខាង Paitoon Pui-ngen លួចចូលក្នុងផ្ទះ និងប៉ងធ្វើសកម្មភាពចាប់រំលោភនោះ។

លោកយាយឱ្យដឹងថា ខ្លួនបានប្រើល្បិចឱ្យជនជាប់ចោទឱ្យបិទភ្លើងសិន ក្រោយពេលមានឱកាសទាត់បុរសនេះ និងស្រែកឱ្យអ្នកជិតខាងជួយ ប៉ុន្តែលោកយាយ ត្រូវជននេះវាយបណ្ដាលឱ្យជាំផ្ទៃមុខ។

ចំណែក Paitoon បានគេចខ្លួនពីកន្លែងកើតហេតុ មុនអ្នកស្រុកមកដល់ ប៉ុន្តែជនល្មើសរូបនេះ ត្រូវក្រុមអ្នកស្រុកចាប់បាន និង វាយទ្រមខ្លួនមុនបញ្ជូនឱ្យប៉ូលិសខេត្ត Ang Thong ប្រទេសថៃ។ Paitoon ជាប់ចោទពីបទរំលោភសេចក្ដីទុកចិត្ត ប្រើអំពើហិង្សា និង ការប៉ុនប៉ងរំលោភសេពសន្ថវៈ។

លោក Peerapan Jantien ស្នងការប៉ូលិសស្រុក Wiset Chaichan និយាយថា ជនជាប់ចោទ Paitoon គឺស្រដៀងគ្នានឹងជនសង្ស័យដែលបានរំលោភស្ត្រី ១០ នាក់ និង សម្លាប់ស្ត្រីពីរនាក់ នៅជាយទីក្រុងបាងកក កាលពី ៥ ឆ្នាំមុន (មិនទាន់ចាប់បាន)។

លោកនឹងធ្វើការជាមួយស្ថាប័នប៉ូលិសផ្សេងៗទៀត ដើម្បីស្វែងរកឱ្យឃើញថាតើ Paitoon ជាជនសង្ស័យដែលលោកកំពុងស្វែងរក ឬយ៉ាងណា។ នេះបើតាមរបាយការណ៍របស់គេហទំព័រ Manager ជាភាសាថៃ។

ហេតុការណ៍ខាងលើ បានកើតឡើងកាលពីយប់ថ្ងៃទី ២៨ ខែសីហា ឆ្នាំ ២០១៥ នៅផ្ទះស្ត្រីរងគ្រោះ ក្នុងខេត្ត Ang Thong ៕