អង្គុយមើលទូរទស្សន៍យូរ គ្រោះថ្នាក់សុខភាពធ្ងន់ធ្ងរ លើសអ្វីដែលអ្នកធ្លាប់គិត
- 2015-08-31 17:28:27
- ចំនួនមតិ 0 | ចំនួនចែករំលែក 0
អង្គុយមើលទូរទស្សន៍យូរ គ្រោះថ្នាក់សុខភាពធ្ងន់ធ្ងរ លើសអ្វីដែលអ្នកធ្លាប់គិត
ចន្លោះមិនឃើញ
ប្រិយមិត្តប្រហែលជាធ្លាប់ដឹងហើយថាការអង្គុយមើលទូរទស្សន៍យូរ អាចប៉ះពាល់សុខភាព ប៉ុន្តែប្រហែលមិនមានអ្នកណាគិតដល់ថាវាប៉ះពាល់ខ្លាំងនោះនោះទេ។ តាមការស្រាវជ្រាវថ្មីមួយរបស់អ្នកជំនាញបានបង្ហាញថាការមើលទូរទស្សន៍យូរម៉ោងពេក គឺបណ្ដាលឲ្យគ្រោះថ្នាក់ដល់សុខភាពធ្ងន់ធ្ងរ។
លទ្ធផលនៃការស្រាវជ្រាវបានរកឃើញថាការអង្គុយសំកុកមើលទូរទស្សន៍យូរ ជាមធ្យមចាប់ពី៥ម៉ោងឡើងទៅ គឺជះឥទ្ធិពលអាក្រក់ដល់សុខភាពដូចជាដំណើរស្ទះសរសៃឈាម និងឈាមកកក្នុងសួត ជាពិសេសមនុស្សចាស់ៗអាយុពី៤០ទៅ៥៩ឆ្នាំ។ នេះបើតាមក្រុមអ្នកជំនាញពីសាកលវិទ្យាល័យ Osaka ប្រទេសជប៉ុន ដែលបានសិក្សាទៅលើមនុស្ស៨៦០០០នាក់ដែលមានអាយុលើសពី១៨ឆ្នាំឡើង។
លោកវេជ្ជបណ្ឌិត Toru Shirakawa អ្នកដឹកនាំការស្រាវជ្រាវនេះបានឲ្យដឹងថា ការអង្គុយមើលទូរទស្សន៍យូរម៉ោង គឺអាចបណ្ដាលឲ្យខ្សោះជាតិទឹកដែលបណ្ដាលឲ្យកើតមានបញ្ហាដល់សួត និងដំណើរឈាមដែលបញ្ជូនពីបេះដូងទៅសួត ដូចនេះវាសំខាន់ដែលអ្នកចូលចិត្តមើលទូរទស្សន៍យូរគួរឧស្សាហ៍ក្រោកឈរនិងញ៉ាំទឹកដើម្បីជៀសពីបញ្ហាខាងលើ។ ក្រៅពីញ៉ាំទឹក អ្នកក៏គួរឧស្សាហ៍ក្រោកឈរផងដែរ អំឡុងពេលមើលនោះ។
រោគសញ្ញាដែលបញ្ជាក់ថាអ្នកកើតបញ្ហាខាងលើ អាចមានដូចជាចុកទ្រូង (ឈឺទ្រូងពេលដកដង្ហើម) ក្អក (ដោយសារខ្សោះជាតិទឹក) និងមានអារម្មណ៍វិលមុខ (ខ្សោយ) ជាដើម។
មិនមានការបញ្ជាក់ថាការមើលទូរទស្សន៍យូរបានប៉ះពាល់ដល់មនុស្សប៉ុន្មាននាក់នោះទេ ប៉ុន្តែនៅប្រទេសអង់គ្លេសមនុស្សដល់ទៅជាង៦ម៉ឺននាក់បានស្លាប់ដោយសារករណីកើតជំងឺដែលបណ្ដាលមកពីការអង្គុយមើលទូរទស្សន៍យូរៗពេក៕
ចុចអាន៖ ទម្លាប់ប្រចាំថ្ងៃ៥យ៉ាង ដែលធ្វើឲ្យអ្នកឆាប់ឈឺខ្នង
ប្រែសម្រួល៖ មាន រតនា ប្រភព៖ looknews