ទម្លាប់ប្រចាំថ្ងៃ៥យ៉ាង ដែលធ្វើឲ្យអ្នកឆាប់ឈឺខ្នង
- 2015-08-05 16:57:41
- ចំនួនមតិ 0 | ចំនួនចែករំលែក 0
ទម្លាប់ប្រចាំថ្ងៃ៥យ៉ាង ដែលធ្វើឲ្យអ្នកឆាប់ឈឺខ្នង
ចន្លោះមិនឃើញ
អាការៈឈឺខ្នងភាគច្រើន បានកើតឡើងលើមនុស្សប្រមាណពី៧០ ទៅ ៨០ភាគរយ នៅពេលណាមួយក្នុងជីវិត ជាពិសេសឆាប់កើតមានលើ អ្នកដែលធ្វើការលើកដាក់ធ្ងន់ៗ និងមនុស្សចាស់។ យោងតាមអ្នកជំនាញអាមេរិកបានឲ្យដឹងថា សកម្មភាពប្រចាំថ្ងៃមួយចំនួនក៏អាចធ្វើឲ្យខ្នងកាន់តែឈឺចាប់ផងដែរ ដូចជា៖
១. គេងលើពូកដែលរឹងពេក ឬទន់ពេក
បើអ្នកគេងលើពូកដែលរឹងពេក ឬទន់ពេក គួរប្ដូរវាចេញ និងរើសយកពូកណាដែលទ្រទម្ងន់អ្នកបានល្អ។ កន្លែងគេងរឹងពេកធ្វើឲ្យអ្នកឈឺចាប់ខ្នង ដោយវាពុំអាចទប់ឆ្អឹងខ្នងអ្នកបានល្អ ចំណែកឯកន្លែងគេងទន់ពេកនឹងធ្វើឲ្យឆ្អឹងខ្នងកោង និងងាយឈឺខ្នង។
២. ស្ពាយកាបូបធ្ងន់ៗ
ទម្លាប់ស្ពាយកាបូបឬកាតាបធ្ងន់ៗប្រចាំថ្ងៃក៏ជាមួលហេតុដែលធ្វើឲ្យខ្នងអ្នកឈឺ។ តាមការណែនាំរបស់អ្នកជំនាញអាមេរិកបញ្ជាក់ថាមិនគួរស្ពាយសំពាធកាតាបដែលមានបន្ទុកលើសពី១០ភាគរយនៃទម្ងន់ខ្លួនឡើយ វាធ្វើឲ្យឈឺខ្នង ម៉្យាងការស្ពាយលើស្មាតែម្ខាងជាមូលហេតុចម្បងដែលរឹតតែដាក់បន្ទុកឲ្យស្មា និងខ្នងអ្នកឈឺ។
៣. អង្គុយយូរពេក
ទម្លាប់អង្គុយយូរៗពេក ធ្វើឲ្យឆ្អឹងខ្នងឈឺចាប់ និងសាច់ដុំផ្នែកខាងខ្នងចុះខ្សោយ។ ការអង្គុយជាប់យូរពេកគឺដាក់ឲ្យបន្ទុកឆ្អឹងខ្នងដល់ទៅ៤០ភាគរយឯណោះ ដូចនេះគប្បីអង្គុយឲ្យត្រង់ខ្លួន និងឧស្សាហ៍ក្រោកធ្វើចលនាបន្តិចបន្តួចដើម្បីជៀសវាងការឈឺខ្នង។
៤. មិនទម្លាប់ហាត់ប្រាណ
ការមិនទម្លាប់ហាត់ប្រាណ ធ្វើឲ្យសាច់ដុំអ្នកចុះខ្សោយ និងមិនអាចទប់ទម្ងន់ខ្លួនអ្នកបានល្អ និងជាផ្នែកមួយធ្វើឲ្យខ្នងឆាប់ឈឺ ។ ម្យ៉ាងវិញទៀត ការមិនសូវធ្វើចលនា ក៏អាចធ្វើឲ្យឆ្អឹងមិនរឹងមាំបានដែរ ជាពិសេសគឺឆ្អឹងខ្នងតែម្ដង។
៥. ពាក់ស្បែកជើងកែងចោត
ការពាក់ស្បែកជើងកែងចោត ក៏ជាមូលហេតុដែលធ្វើឲ្យអ្នកឆាប់ឈឺខ្នង។ វាធ្វើឲ្យសាច់ដុំឆ្អឹងខ្នងធ្វើការលើសធម្មតា ហើយបើអ្នកធាត់ទៀតនោះ នឹងធ្វើឲ្យខ្នងកាន់តែឆាប់ឈឺ៕
-ចុចអាន៖ ម៉ាសបិទមុខដំឡូងបារាំងធម្មជាតិធ្វើឲ្យស្បែកមុខសតឹងស្អាត ១០០%
ប្រែសម្រួល៖ មាន រតនា ប្រភព៖ car2