ធ្លាយដំណឹង អ៊ិន សុភិន ប្រគល់គម្រោងសង់អគារ៦លានដុល្លារឲ្យ ប៉ែន តុលា

2015-09-04 18:50:14
ចំនួនមតិ 0 | ចំនួនចែករំលែក 0

ចន្លោះមិនឃើញ

គម្រោងសាងសង់ Apartment ដែលមានតម្លៃរហូតដល់ទៅ ៦លានដុល្លារ ត្រូវបានលោក អ៊ិន សុភិន ចាងហ្វាងផលិតកម្មមហាហង្សប្រគល់ទៅឲ្យ លោក ប៉ែន តុលា គូដណ្ដឹង កញ្ញា ភិន សុដាលីស ជាអ្នកមើលការខុសត្រូវ។

ផ្អែកតាមការបញ្ជាក់ពី លោក អ៊ិន សុភិន ប្រាប់ Sabay នៅព្រឹកនេះ គម្រោងសាងសង់ Apartment ខាងលើ ត្រូវបានលោកប្រគល់ឲ្យ ប៉ែន តុលា ជាអ្នកមើលការខុសត្រូវសាងសង់ តាំងតែមិនទាន់មានរឿងក្នុងក្រុមគ្រួសារមកម្ល៉េះ។ បច្ចុប្បន្ន គម្រោងមួយនេះ កំពុងតែរង់ចាំលិខិតអនុញ្ញាតសាងសង់ពីមន្ទីរនគររូបនីយកម្ម និងសំណង់។ "ឯកសារយើងបានដាក់ទៅខាងមន្ទីរនគររូបនីយកម្ម និងសំណង់អស់ហើយ ប្រហែល១ខែទៀតយើងចាប់ផ្ដើមសាងសង់ហើយ" លោក អ៊ិន សុភិន ថ្លែង។

លោក អ៊ិន សុភិន បានបន្តថា Apartment មួយនេះ លោកធ្វើលក្ខណៈផ្កាយ៥ លើទឹកដីខ័ណ្ឌ សែនសុខ ជិតផ្ទះវិឡា ដែលលោកកំពុងរស់នៅបច្ចុប្បន្ន។ ចំពោះទំហំអគារ គឺ ២០ គុណ ៥០ ម៉ែត្រ កម្ពស់១៤ជាន់បូកទាំងដំបូល បើគិតទាំងការបំពាក់គ្រឿងសង្ហារិមផ្សេងៗផងនោះ ចំណាយប្រហែល៦ លានដុល្លារឯណោះ។

ទោះបីជាបច្ចុប្បន្នទំនាក់ទំនងរបស់ ភិន សុដាលីស និង លោក ប៉ែន តុលា មានពាក់ព័ន្ធជាមួយ លោក ប៉ែន ចំរ៉ុង ក៏មិនអាចបង្អង់នៃគម្រោងសាងសង់នេះបានឡើយ។ តាមការលើកឡើងរបស់ចាងហ្វាងផលិតកម្មរូបនេះ លោកនៅតែដាក់សេចក្ដីទុកចិត្តទៅលើ ប៉ែន តុលា ដដែល។ Apartment នេះ គ្រោងបញ្ចប់ការសាងសង់នៅរយៈពេល២ឆ្នាំ ហើយក្រោយពីដាក់ជួល លោក អ៊ិន សុភិន រំពឹងថា និងរកចំណូលឲ្យក្រុមហ៊ុនរបស់លោករាប់សែនដុល្លារ ជារៀងរាល់ខែជាក់ជាមិនខាន។

ក្រៅពីគ្រោងសាងសង់ Apartment ខាងលើ មានក្រុមហ៊ុនទិញលក់ជួលអចលនទ្រព្យមួយទៀត ត្រូវបានលោក អិន សុភិន ប្រគល់ទៅឲ្យលោក ប៉ែន តុលា ជួយមើលការខុសត្រូវផងដែរ។ ជាមួយគ្នានោះ គួដណ្ដឹង ភិន សុដាលីស ក៏មានក្រុមហ៊ុនដឹកជញ្ជូនផ្ទាល់ខ្លួនមួយទៀតផង។ ជាមធ្យម លោក ប៉ែន តុលា ទទួលបានប្រាក់ជាង ១០០០ដុល្លារ ពីថ្លៃការងារ។ នេះបើតាមការលើកឡើងរបស់លោកអ៊ិន សុភិន។

ចាងហ្វាងផលិតកម្មមហាហង្ស បញ្ជាក់ជាចុងក្រោយថា ទោះបីជាទៅថ្ងៃអនាគត ប៉ែន តុលា មិនបានក្លាយទៅជាកូនប្រសាតាមការគ្រោងទុក្ខបែបណាក្ដី ក៏លោកនៅតែបន្តចាត់ទុកជាកូនចិញ្ចឹមដដែល ហើយប្រសិនបើលោក ប៉ែន តុលា ចង់ជ្រើសគូអនាគតថ្មី លោកធានាចាត់ចែងឲ្យទាំងអស់៕

អានអត្ថបទ៖ ប៉ែន តុលា ជម្រះបញ្ជីជាមួយ ភិន សុដាលីស

អានអត្ថបទ៖ ក្រោយមានរឿងជាមួយ ចំរុង ឥឡូវ អ៊ិន សុភិន ឲ្យកូនស្រីការជាមួយ ប៉ែន តុលា ចុងឆ្នាំជាកំហិត

អត្ថបទ៖ ខុត សីហា