Angelina Jolie ទីពីរបោះអាជីពជាតារា ស្រវាការងារការិយាល័យ

2015-09-05 16:50:19
ចំនួនមតិ 0 | ចំនួនចែករំលែក 0

ចន្លោះមិនឃើញ

Chelsea Marr ដែលត្រូវបានគេហៅថាជា Angelina Jolie ទីពីរមិនព្រមចូលធ្វើជាតារាម៉ូដែលឬតួសម្ដែងអ្វីនោះទេទោះជាមានគេហៅច្រើនដងយ៉ាងណាក៏ដោយ ពោលគឺនាងស្រលាញ់ការងារឯកជនធ្វើការក្នុងការិយាល័យ។

ស្រីស្អាតវ័យ២៤ឆ្នាំខាងលើត្រូវបានគេយកទៅប្រដូចជាមួយ Angelina Jolie ដោយសារតែរូបនាងមានមុខមាត់ដូចគ្នាសឹងតែបេះបិទទៅហើយ ទាស់ត្រង់ថាម្នាក់នៅក្មេងម្នាក់ទៀតវ័យជ្រេបន្តិចប៉ុណ្ណោះ។ ដោយសារអីចឹងហើយ បានធ្វើឱ្យ Marr មានភាពល្បីល្បាញខ្លាំងណាស់ ហើយក៏ត្រូវបានផលិតកម្មនិងក្រុមដើរម៉ូដជាច្រើនហៅឱ្យចូលសម្ដែង។ ផ្ទុយទៅវិញ នារីសញ្ជាតិស្កុតឡែនរូបនេះមិនព្រមទទួលនោះទេ ព្រោះថាតាំងពីតូចមកនាងស្រលាញ់ការងារក្នុងការិយាល័យច្រើនជាងការងារជាតារា។

ចំពោះរឿងខាងលើនេះ Marr បានបញ្ជាក់បន្ថែមថា៖ “អរគុណអ្នករាល់គ្នាដែលប្រដូចខ្ញុំទៅ Angelina។ តែជឿខ្ញុំទៅ ខ្ញុំមិនចង់ធ្វើជាតារានោះទេ។ ខ្ញុំមានកម្ពស់ត្រឹមតែ១,៥៧ម៉ែត្រប៉ុណ្ណោះ ខណៈដែល Angelina វិញមានកម្ពស់ដល់ទៅ១,៧ម៉ែត្រឯណោះ”។

ស្រីស្រស់ខាងលើប្រាប់ពីមូលហេតុដែលនាងមានមុខមាត់ស្រដៀងទៅនឹងប្រពន្ធរបស់ Brad Pitt ថាដោយសារតែកាលពីមុននាងធ្លាប់មានគ្រោះថ្នាក់នៅលើផ្ទៃមុខ ដូច្នេះហើយក៏បានទៅកែសម្ផស្ស កែច្រមុះនិងផ្នែកផ្សេងៗទៀត៕

ចុចអានរឿងថ្មី Brad Pitt និង Angelina Jolie ឈ្លោះគ្នា ហូរទឹកភ្នែកមិនឈប់

ប្រែសម្រួល៖ មុន្នី រម្យ ប្រភព៖ dailymail