រឿងថ្មី Brad Pitt និង Angelina Jolie ឈ្លោះគ្នា ហូរទឹកភ្នែកមិនឈប់
- 2015-08-07 17:33:45
- ចំនួនមតិ 0 | ចំនួនចែករំលែក 0
រឿងថ្មី Brad Pitt និង Angelina Jolie ឈ្លោះគ្នា ហូរទឹកភ្នែកមិនឈប់
ចន្លោះមិនឃើញ
ផលិតកម្ម Universal ទើបតែបញ្ចេញវីដេអូផ្សព្វផ្សាយសម្រាប់ខ្សែភាពយន្តថ្មី "By the Sea” ដែលសម្ដែងដោយគូស្វាមីតារាល្បីហូលីវូដ Brad Pitt និង Angelina Jolie Pitt។
“By the Sea” គឺជាភាពយន្តបែបមនោសញ្ចេតនា ដែលរៀបរាប់ពីគូស្នេហ៍មួយគូក្នុងទសវត្ស៧០ ដែលបានសម្រេចចិត្តមកវិស្សមកាលជាមួយគ្នានៅមាត់សមុទ្រនៅអឺរ៉ុប ដើម្បីផ្សះផ្សាទំនាក់ទំនងស្នេហាដែលតែងតែមានបញ្ហាឲ្យល្អប្រសើរឡើងវិញ។ ថតនៅប្រទេសម៉ាល់តា ភាពយន្តនេះ គឺជាស្នាដៃនិពន្ធនិងដឹកនាំផលិតផ្ទាល់ដោយ Angelina Jolie ហើយនឹងចាក់បញ្ចាំងជាផ្លូវការនៅថ្ងៃទី១៣ ខែវិច្ឆិកាខាងមុខនេះ។
“By The Sea” គឺជាស្នាដៃដឹកនាំទី៣របស់ តារាវ័យ ៣៩ឆ្នាំ Angelina Jolie បន្ទាប់ពីរឿង "The Land of Blood and Honey” និង "Unbroken”។ ភាពយន្តបន្ទាប់ដែល Jolie ត្រៀមដឹកនាំគឺរឿង "First They Killed My Father” ដែលរៀបរាប់ពីការចងចាំរបស់កុមារីក្នុងសម័យខ្មែរក្រហម។
ទស្សនា Trailer ដំបូងរបស់ខ្សែភាពយន្ត "By The Sea” ខាងក្រោមនេះ៖
ចុចអាន៖ក្រសួងវប្បធម៌សន្យាជួយ Angelina Jolie ពេញទំហឹងដើម្បីផលិតភាពយន្តពីកម្ពុជា
ប្រែសម្រួល៖ វ៉ាន់ថន ប្រភព៖ variety