តារា​ចម្រៀង​និង​សម្ដែង​អាមេរិក Selena Gomez បាន​បង្ហាញ​ភាព​ស្និទ្ធស្នាល​យ៉ាង​ខ្លាំង​ជាមួយ​បុរស​វ័យ​ក្មេង Brooklyn Beckham ដែល​ជា​កូន​ប្រុស​អតីត​វីរបុរស​បាល់ទាត់​អង់គ្លេស ​David Beckham ខណៈ​ចូលរួម​​ក្នុង​កម្មវិធី​ Polo Ralph Lauren's New York Fashion Week នៅ​សណ្ឋាគារ​ McKittrick Hotel កាល​ពី​ថ្ងៃ​សុក្រ។

នៅ​ក្នុង​រូបថត​ដែល​ចុះ​ផ្សាយ​លើ​សារព័ត៌មាន Mail Online តារា​ចម្រៀង​វ័យ​ក្មេង​សម្បូរ​រឿង​អាស្រូវ Selena បាន​កើយ​លើ​ស្មា​របស់ Brooklyn ឯ​កូន​ប្រុស​រូប​សង្ហា​របស់ Beckham ក៏​បាន​យក​ដៃ​ម្ខាង​ឱប​ចង្កេះ​វិញ​ដែរ។ ភាព​ស្និទ្ធស្នាល​ប្លែក​ខុស​ពី​ធម្មតា​នេះ បាន​ធ្វើ​ឲ្យ​មតិ​មួយ​ចំនួន​សង្ស័យ​ថា អ្នក​ទាំង​ពីរ​កំពុង​បង្កាត់​ភ្លើង​ស្នេហ៍​ជាមួយ​គ្នា។

តារា​ចម្រៀង​រូប​​​ស្រស់​វ័យ ២៣​ឆ្នាំ Selena Gomez មិន​ទាន់​រក​ឃើញ​ដៃ​គូ​ស្នេហា​ជាប់​លាប់​នៅ​ឡើយ​ទេ ក្រោយ​ពេល​បែក​បាក់​គ្នា​ជាមួយ​ម្ចាស់​បទ “Baby”, Justin Bieber។ ចំណែក​បុរស​សង្ហា និង​ជា​កូន​ប្រុស​អតីត​តារា​បាល់ទាត់ Brooklyn Beckham មាន​ពាក្យ​ចចាមអារ៉ាម​ថា​កំពុង​ទាក់ទង​ជាមួយ​តារា​សម្ដែង​ជនជាតិ​បារាំង Sonia Ben Ammar។ ទោះ​យ៉ាង​ណា Brooklyn Beckham ហាក់​នៅ​វ័យ​ក្មេង​បន្តិច ព្រោះ​ទើប​មាន​អាយុ ១៦​ឆ្នាំ​ប៉ុណ្ណោះ៕

គិត​ថា​ស្រី​ស្អាត​និង​បុរស​សង្ហាមួយ​គូ​នេះ អាច​បង្កើត​ជាចំណង​ស្នេហ៍​ទេ?

ចុចអាន៖ Selena Gomez ប៊ិះ​លេច​ដើម​ទ្រូង​​ទាំង​អស់​ពេល​ស្លៀក​រ៉ូប​ខើច​​ ថត​រឿង​ថ្មី

ចុចអាន៖ លេច​ឈុត​ក្រៅ​ឆាក​នៃ​ការ​ថត​ MV ថ្មី​ដ៏​សិចស៊ី​របស់ Selena Gomez

ប្រែ​សម្រួល៖ គង់ វិសាល ប្រភព៖ dailymail