អ្នកវិទ្យាសាស្ត្រអាចនឹងក្លូនដំរីរោមក្រាស់ផុតពូជជាង៣សហស្សវត្សមុន

2015-09-28 18:21:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកវិទ្យាសាស្ត្របានប្រកាសថាពួកគេទទួលបានជោគជ័យក្នុងការច្របាច់បញ្ចូលគ្នារវាង DNA របស់ដំរីរោមក្រាស់ដែលផុតពូជ (mammoth) ចូលទៅក្នុងកោសិកាសត្វដំរីធម្មតា តាមរយៈការចម្លងហ្សែន។

បច្ចេកទេសដ៏អស្ចារ្យមួយនេះ ត្រូវបានគេហៅថា Drispr ដែលបានប្រើប្រាស់ដោយសាស្ត្រាចារ្យផ្នែកសេនេទិចលោក George Church របស់សាកលវិទ្យាល័យ Harvard សហរដ្ឋអាមេរិក។ គេនឹងអាចកែប្រែ DNA រួចចម្លងដាក់ទៅលើកូដសេនេទិច សាកសពដំរីរោមក្រាស់នេះ ដែលបានរក្សាទុកក្នុងតំបន់ទឹកកកអាកទិច។

បច្ចេកវិទ្យាទាំងនេះ នឹងអាចក្លូនសត្វដែលបានផុតពូជជាង ៣៣០០ឆ្នាំមុនបាន។ អ្នករិះគន់បានលើកជាសំណួរថា តើការក្លូនថនិកសត្វបែបនេះ ផ្ដល់គ្រោះថ្នាក់ដល់មេដំរី និងខ្លួនរបស់វាដែរឬទេ? ជាទូទៅដំរីពពោះក្នុងរយៈពេល ២២ខែ ឬ ២ឆ្នាំ ដែលបច្ចេកទេសបែបនេះអាចសម្លាប់ ឬធ្វើឲ្យខូចខាតផ្នែកណាមួយរបស់ដំរី ខណៈដែលថនិកសត្វ (ដំរីរោមក្រាស់) នេះអាចកើតមានបញ្ហារូបរាងផងដែរ។

សាកសពកូនដំរី mammoth ញី អាយុកាល ៣៩០០ឆ្នាំត្រូវបានរក្សាទុក

លោក Church និយាយថាការក្លូនពិសេសនេះ មិនមែនមនុស្សប្រឆាំងនឹងធម្មជាតិទេ។ ការវិលត្រឡប់មកវិញរបស់អំបូរដំរីនេះ នឹងអាចផ្ដល់ផលប្រយោជន៍ជាច្រើនចំពោះពិភពលោក។ តែទោះជាយ៉ាងក៏ដោយ គេនៅមិនទាន់ដឹងច្បាស់ថា ដំណើរការនេះនឹងប្រព្រឹត្តឡើងនៅពេលណាមួយឲ្យប្រាកដនៅឡើយទេ៕