ក្រុមហ៊ុន​ផលិត​ភាពយន្ត​ជា​ច្រើន​បាន​មក​ថត​កុន​នៅ​ក្នុង​ស្រុក​ខ្មែរ។ ភាពយន្ត​​ខ្លះ​​បាន​បង្ហាញ​ដើម​ទុន​ និង​ប្រាក់​ចូល​បាន​ពី​ការ​​ចាក់​បញ្ចាំង​​ ប៉ុន្តែភាពយន្ត​​ខ្លះ​ទៀត​មិន​បាន​បង្ហាញ​ទេ។ ខាង​ក្រោម​នេះ​ជា​ភាពយន្ត​បរទេស​បួន​​ថត​នៅ​ស្រុក​ខ្មែរ​ ដែល​បាន​បង្ហាញ​ពី​ប្រាក់​ចំណូល​ខ្លះ​ៗ ​​ដែល​ខ្លួន​រក​បាន​ពី​ការ​ចាក់​បញ្ចាំង​​ក្នុង​ប្រទេស​ខ្លួន​​ និង​នៅ​​ប្រទេស​នានា។ តែ​ទោះ​បី​យ៉ាង​ណា​ ក្រៅ​ពី​ប្រាក់​ចំណូល​ដែល​បាន​បង្ហាញ​នេះ​ ភាពយន្ត​ទាំង​នេះ​អាច​រក​បាន​ប្រាក់​ចំណូល​ផ្សេង​ទៀត​ ដូច​ជា​ការ​បន្ត​ចាក់​បញ្ចាំ​ក្នុង​សប្ដាហ៍​ក្រោយ​ៗ​មក​ទៀត​ និង​ការ​ជួល​រឿង​​ទៅ​ចាក់​បញ្ចាំង​ផ្សេង​ៗ​ជា​ដើម៖

១) រឿង​ "Lara Croft: Tomb Raider"៖

-ភាពយន្ត​ហូលីវូដ​​ អាមេរិក​ -ចាក់​បញ្ចាំង​​ឆ្នាំ​2011 -សម្ដែង​ដោយ​តារា​ល្បី​ៗ​ដូចជា​ Angelina Jolie, Jon Voight, Noah Taylor, Daniel Craig​ និង​តារា​ជា​ច្រើន​ទៀត​ -រក​​ចំណូល​បាន​ $274 703 340​ ដោយ​47,7% ​រក​បាន​ក្នុង​ស្រុក​ និង​ 52,3% ​បាន​ពី​ការ​បញ្ចាំង​នៅ​ក្រៅ​ប្រទេស។ ភាពយន្ត​នេះ​អាច​រក​ប្រាក់​ចំណូល​បាន​ជា​ច្រើន​ទៀត។ -ដើម​ទុន​នៃ​ការ​ផលិត​៖ អស់​ប្រហែល​ $115 000000។

២) រឿង​ "Holy Lola"៖

-ភាពយន្ត​​បារាំង -ចាក់​បញ្ចាំង​ឆ្នាំ​2004​ -សម្ដែង​ដោយ​ Jacques Gamblin, Isabelle Carré, Bruno Putzulu និង​តារា​ជា​ច្រើន​ទៀត

-រក​​ចំណូល​បាន​ $838 715 (បញ្ចាំ​ត្រឹម​ចុង​សប្ដាហ៍)

-ដើម​ទុន​នៃ​ការ​ផលិត​មិន​បាន​បង្ហាញ​

៣) រឿង​ “Two Brothers”៖

-ភាពយន្ត​​​របស់​បារាំង​ និង​អង់គ្លេស​

-ចាក់​បញ្ចាំង​ឆ្នាំ​​2004​

-សម្ដែង​ដោយ​តារា​ភាពយន្ត​​ Guy Pearce, ​Freddie Highmore, Stéphanie Lagarde ​និងតារា​ជា​ច្រើន​ទៀត​

-រក​​ចំណូល​បាន​ $​126  154 910 (នៅ​អាមេរិក) និង​ $4 786  021​ ​ផ្សេង​ទៀត​ពី​ការ​ចាក់​បញ្ចាំង​នៅ​​អង់គ្លេស​ និង​អ៊ីតាលី។ ភាពយន្ត​នេះ​អាច​រក​ប្រាក់​ចំណូល​បាន​ជា​ច្រើន​ទៀត។

-ដើម​ទុន​នៃ​ការ​ផលិត $76​ 392​ 541​។

៤) រឿង​ “Wish You Were Here"៖

-ភាពយន្ត​​អូស្ត្រាលី

-ចាក់​បញ្ចាំង​ឆ្នាំ​2012

-សម្ដែង​ដោយ​តារា​ Felicity Price, ​Joel Edgerton, ​Teresa Palmer និង​តារា​ជា​ច្រើន​ទៀត

-រក​ចំណូល​បាន​ $4 780 475​។ ភាពយន្ត​នេះ​អាច​រក​ប្រាក់​ចំណូល​បាន​ជា​ច្រើន​ទៀត ក្រៅ​ពី​ចំណូល​នេះ​

-ដើម​ទុន​នៃ​ការ​ផលិត​ ​$2​ 192​ 812

-“ព្រាយ​ខ្លា” ពី​ប្រទេស​កម្ពុជា​បង្ក​ចលាចល​ផ្អើល​អ្នក​ស្រុក​ថៃ

ប្រភព៖ IMDB, boxofficemojo