Lumia 950/950 XL ប្រកាសជាផ្លូវការហើយ អាចប្រើជាទូរសព្ទនិងជាកុំព្យូទ័របាន

2015-10-07 16:04:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Microsoft បានប្រកាសកំពូលស្មាតហ្វូនជំនាន់ថ្មីរបស់ខ្លួនពីរម៉ូដែល នៅក្នុងព្រឹត្តិការដ៏ធំរបស់ខ្លួនដែលប្រព្រឹត្តទៅនៅថ្ងៃទី៦ ខែតុលាម្សិលមិញ ក្នុងទីក្រុង New York សហរដ្ឋអាមេរិក។

ទូរសព្ទស្មាតហ្វូនដែលក្រុមហ៊ុនបានប្រកាសនោះមានដូចជា Lumia 950 និង 950XL។ ចំពោះលក្ខណៈសម្បត្តិរបស់ Lumia 950 វិញគឺមានអេក្រង់ ៥,២ ប្រភេទ QHD OLED , CPU ប្រភេទ Qualcomm’s Snapdragon 808 ។ ចំណែកឯ Lumia 950 XL បំពាក់ដោយអេក្រង់ទំហំ ៥,៧ អ៊ីញ ប្រភេទ QHD OLED និងមាន CPU ប្រភេទ Snapdragon 810។

ស្មាតហ្វូនទាំងពីរគឺត្រូវបានបំពាក់ដោយកាមេរ៉ាក្រោយទំហំ 20 MP ជាមួយមុខងារ Triple-LED Naural flash, OIS ជំនាន់ទីប្រាំ, មានប៊ូតុងកាមេរ៉ា, អាចចាប់យករូបភាពក្នុងកម្រិត 4K និងមានកាមេរ៉ាមុខទំហំ 5MP ដូចគ្នា។

ចំពោះទំហំ RAM វិញគឺមានទំហំ 3GB, ម៉េមូរី 32GB និងអាចបន្ថែមទំហំខាងក្រៅបានរហូតដល់ទៅ 200 GB ។ ក្រៅពីនេះ Microsoft បានបន្ថែមរន្ធ USB Type-C ដើម្បីបង្កើនល្បឿននៃការសាកថាមពលថ្ម និងល្បឿនផ្ទេរទិន្នន័យឲ្យកាន់តែលឿន និងមានមុខងារសុវត្ថិភាពថ្មីមួយឈ្មោះថា Windows Hello ដោយអាច Unlock ទូរសព្ទបានតាមរយៈការស្គែនភ្នែក និងចុច Touch។

កាន់តែពិសេសទៅទៀតនោះទូរសព្ទស្មាតហ្វូន Lumia ទាំងពីរម៉ូដែលនេះអាចប្រើបានជាកុំព្យូទ័រ PC បានថែមទៀតផង។ Lumia 950 និង 950XL គឺដំណើរការដោយប្រព័ន្ធប្រតិបត្តិការ Windows 10 ដូចគ្នា។