តារាម៉ូដែលសិចស៊ីថៃម្នាក់ត្រូវប៉ូលិសឃាត់ខ្លួនរឿងប្រើប្រាស់និងលក់គ្រឿងញៀន
- 2015-10-16 16:33:35
- ចំនួនមតិ 0 | ចំនួនចែករំលែក 0
តារាម៉ូដែលសិចស៊ីថៃម្នាក់ត្រូវប៉ូលិសឃាត់ខ្លួនរឿងប្រើប្រាស់និងលក់គ្រឿងញៀន
ចន្លោះមិនឃើញ
តារាម៉ូដែលនិងជាអតីតជយលាភីលេខ២ក្នុងកម្មវិធីប្រលងបវរកញ្ញា Miss Maxim 2015 នាង Looksorn ត្រូវប៉ូលិសឃាត់ខ្លួនជាមួយមិត្តប្រុសជនជាតិសិង្ហបុរីកាលពីសប្ដាហ៍មុន នៅក្នុងខុនដូទំនើបមួយនៅតំបន់ Huai Khwang ទីក្រុងបាងកកបន្ទាប់ពីរកឃើញសារធាតុញៀន Methamphetamine (ម៉ាទឹកកក)មួយចំនួន។
ប៉ូលិសបានបើកប្រតិបត្តិការឆ្មក់ចូលចាប់គូស្នេហ៍ទាំងពីរក្នុងខុនដូទំនើបខាងលើ រួមទាំងមនុស្ស១៦នាក់ផ្សេងទៀតដែលជាជនជាតិថៃនិងនិងបរទេស ដោយរកឃើញសារធាតុញៀន Methamphetamine ចំនួន ៣,៥ក្រាម។ ក្រោយពីឃាត់ខ្លួនភ្លាមៗ Looksorn ត្រូវបានគេឃុំក្នុងពន្ធនាគាររបស់តុលាការព្រហ្មទណ្ឌ Ratchada ។
តារាម៉ូដែល Looksorn បានសារភាពក្រោយឃាត់ខ្លួនថា នាងបានប្រើប្រាស់ថ្នាំញៀនអស់រយៈពេល២ខែមកហើយ ពីព្រោះតែមានបញ្ហាផ្ទាល់ខ្លួន។ នាងក៏បានសូមទោសចំពោះទង្វើមិនគប្បីក្នុងការក្លាយខ្លួនជាតារាម៉ូដែលអាក្រក់ម្នាក់។
ប៉ូលិសបានរកឃើញថា គូស្នេហ៍ទាំងពីរពិតជាបានប្រើសារធាតុញៀនពិតមែន ក្រោយធ្វើការពិសោធន៍លើពួកគេ និងបានចោទប្រកាន់អ្នកទាំងពីរពីបទប្រើប្រាស់ និងលក់សារធាតុញៀន។
តាមសម្ដីប៉ូលិសលោក Sutthisan បានថ្លែងឲ្យដឹងថា មិត្តប្រុសរបស់ Looksorn ដែលមានឈ្មោះថា Low You Ting ឬ Jonathan ធ្លាប់ត្រូវចាប់ខ្លួនម្ដងហើយកាលពីខែកក្កដា ដោយសារមានទុកថ្នាំញៀន Ecstasy ៣គ្រាប់ជាប់ខ្លួន ប៉ុន្តែត្រូវដោះលែងឲ្យនៅក្រៅឃុំ។ បើតាម Daily News បានឲ្យដឹងថា Jonathan គឺជាភ្នាក់ងារតារាម៉ូដែលនិងឈ្មួញគ្រឿងញៀនក្នុងចំណោមតារាម៉ូដែលផងដែរ។
ចុចអាន៖តារាម៉ូដែលចិនរូបស្រស់ត្រូវជាប់គុក៥ឆ្នាំ ដោយសារបើកវង់ល្បែង
ប្រែសម្រួល៖ ហេង សុធារិទ្ធិ ប្រភព៖ coconuts