YG ឆ្លើយតបរឿង Minzy ចង់ចេញពីក្រុម 2NE1
- 2014-10-18 00:15:54
- ចំនួនមតិ 0 | ចំនួនចែករំលែក 0
YG ឆ្លើយតបរឿង Minzy ចង់ចេញពីក្រុម 2NE1
ចន្លោះមិនឃើញ
ផលិតកម្ម YG Entertainment បានចេញសេចក្ដីថ្លែងការណ៍មួយនៅថ្ងៃនេះ ឆ្លើយតបនឹងពាក្យចចាមអារ៉ាមអំពីការចាកចេញរបស់ Minzy សមាជិកក្រុម 2NE1។
ពាក្យចចាមអារ៉ាមនេះបានកើតឡើងក្រោយពេលដែល Minzy បានប្ដូរឈ្មោះគណនី Instargram របស់នាងពី "minzy21mz” ទៅជា "min_mz” និងបានលុបពាក្យ "2NE1” ចេញពីគណនីរបស់នាង។ ដោយថ្មីៗនេះ គេបានឮព័ត៌មានជាច្រើនអំពីការរង្គោះរង្គើក្នុងក្រុមចម្រៀងជាច្រើនដូចជា Girls' Generation, MBLAQ, និង EXO អ្នកគាំទ្រជាច្រើនមានការព្រួយបារម្ភថា 2NE1 នឹងមានបញ្ហាដូច្នេះដែរ។
ផលិតកម្ម YG បានឆ្លើយតបនឹងបញ្ហានេះថា សកម្មភាពលើបណ្ដាញសង្គមរបស់ Minzy មិនពាក់ព័ន្ធនឹងការបែកបាក់របស់ក្រុម 2NE1 ឡើយ។ បច្ចុប្បន្នពួកគេនៅបន្តសកម្មភាពក្រុមជាធម្មតា នៅទីក្រុងម៉ាកាវ ហើយបន្ទាប់មកពួកគេនឹងមានបទចម្រៀងថ្មីៗជាបន្តបន្ទាប់ដោយមានសមាជិកទាំង ៤នាក់ដដែល។
ឥលូវនេះ Minzy បានបន្ថែមពាក្យ 2NE1 លើគណនី Instargram របស់នាងវិញហើយ ខណៈសមាជិកទាំង ៤របស់ក្រុម 2NE1 នៅតែបន្តសកម្មភាពប្រគំតន្ត្រីទេសចរណ៍ "ALL OR NOTHING” នៅឡើយ ៕
អានអត្ថបទ៖ CL ក្រុម 2NE1 ត្រៀមចេញអាល់ប៊ុមលើទីផ្សារអាមេរិក
ប្រែសម្រួល៖ វ៉ាន់ថន ប្រភព៖ koreaboo
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
