បុរសម្នាក់ញ៉ាំម្ទេសជាងពីរគីឡូក្នុងមួយថ្ងៃ អត់មានបញ្ហា
- 2015-10-20 18:02:57
- ចំនួនមតិ 0 | ចំនួនចែករំលែក 0
បុរសម្នាក់ញ៉ាំម្ទេសជាងពីរគីឡូក្នុងមួយថ្ងៃ អត់មានបញ្ហា
ចន្លោះមិនឃើញ
លោក Li Yongzhi មកពីភូមិ Shawoli ខេត្ត ហេណាន ប្រទេសចិន បានធ្វើឲ្យសារព័ត៌មានចិនភ្ញាក់ផ្អើល ដោយសារតែលោកញ៉ាំម្ទេសជាអាហារប្រចាំថ្ងៃអស់ដល់ទៅ២,៥គីឡូក្រាមក្នុងមួយថ្ងៃ។
សារព័ត៌មានក្នុងស្រុកចិន Zhenzhou Evening News បានឲ្យដឹងពីអ្នកភូមិរស់ក្បែរលោក Li ថា បុរសវ័យ៤៨ខាងលើនេះចូលចិត្តហូបម្ទេសតាំងពីតូច ហើយមកទល់ពេលនេះគាត់អាចហូបម្ទេសទទេ ដោយមិនបាច់មានសាច់ឬស៊ុតជាមួយទៀតផង។ "គ្មានម្ទេស ម្ហូបមិនឆ្ងាញ់នោះទេ" ។ នេះជាសម្តីដ៏ខ្លីរបស់លោក Li និយាយប្រាប់សារព័ត៌មាន។
ក្រៅតែពីធ្វើជាអាហារប្រចាំថ្ងៃ និងអាហារកំដរមាត់នោះ លោក Li ក៏ហូបម្ទេសសម្រាប់សម្អាតមាត់ធ្មេញពេលព្រឹកផងដែរ ហើយគេបានដាក់ងារគាត់ថាជាស្ដេចម្ទេស។ លោក Li សព្វថ្ងៃមានដាំម្ទេស៨ប្រភេទផ្សេងៗគ្នាក្នុងសួនទុកញ៉ាំខ្លួនឯង។
កាលពី១០ឆ្នាំមុនកូនប្រុសច្បងរបស់លោក Li រងគ្រោះថ្នាក់ចរាចរណ៍សម្រាកព្យាបាលក្នុងមន្ទីរពេទ្យ និងត្រូវចំណាយថវិកាច្រើនដើម្បីមើលជើង។ លោក Li បានឲ្យដឹងថារយៈពេលនោះលោកហូបតែម្ទេស និងទឹកដើម្បីសន្សំលុយមើលថែកូនប្រុសទៀតផង។ លោកថា ហូបម្ទេសមួយថ្ងៃជាង២គីឡូជារឿងធម្មតាទេ ប៉ុន្តែអ្វីដែលសំខាន់នោះគឺគាត់ទៅពិនិត្យសុខភាពនៅមន្ទីរពេទ្យគឺពុំមានបញ្ហាអ្វីនោះឡើយ៕
ចុចអាន៖ ម្ហូបធ្វើពីថ្មដ៏កម្រ ដាក់បង្ហាញនៅពិព័រណ៍ទេសចរណ៍ចិន
ចុចអាន៖ កម្ពុជានឹងមានច្បាប់ស្ដីពីម្ហូបអាហារដើម្បីការពារសុខភាពប្រជាជន
ប្រែសម្រួល៖ មាន រតនា ប្រភព៖ shanghaiist