Sabay Osja និង DirexPlay លេចធ្លោខាងអាជីវកម្មផលិតហ្គេមកម្សាន្ត

2015-10-21 16:18:19
ចំនួនមតិ 0 | ចំនួនចែករំលែក 0

ចន្លោះមិនឃើញ

វិស័យផលិតហ្គេមកម្សាន្តនៅក្នុងប្រទេសកម្ពុជា កំពុងមានសន្ទុះអភិវឌ្ឍទោះបីវាស្ថិតនៅក្នុងដំណាក់កាលសិក្សា និងជាបទពិសោធន៍ថ្មីក៏ដោយ។ បច្ចុប្បន្នមានក្រុមអភិវឌ្ឍក្នុងស្រុកមួយចំនួន កំពុងធ្វើការយ៉ាងសកម្មលើការអភិវឌ្ឍហ្គេម។ អ្វីគួរឲ្យភ្ញាក់ផ្អើល ស្នាដៃផលិតហ្គេមរបស់ពួកគេមិនត្រឹមតែទទួលការចាប់អារម្មណ៍ពីអ្នកកម្សាន្តក្នុងស្រុក ប៉ុន្តែក៏មានការកោតស្ញប់ស្ញែងពីបរទេសមួយចំនួនផងដែរ។

Sabay Osja

ក្រុម Sabay Osja

Sabay Osja ជាក្រុមអភិវឌ្ឍហ្គេមកម្សាន្តដ៏ល្បីឈ្មោះមួយក្នុងប្រទេសកម្ពុជា ដែលបានធ្វើការយ៉ាងសកម្មលើអាជីវកម្មផលិតហ្គេមកម្សាន្ត។ កេរ្តិ៍ឈ្មោះរបស់ក្រុម Sabay Osja កាន់តែល្បីសុសសាយ បន្ទាប់ពីស្នាដៃការផលិតហ្គេមរបស់ពួកគេ បានយកទៅចូលរួមការប្រកួតប្រជែងនៅលើឆាកអន្តរជាតិនិងទទួលពានរង្វាន់ជាបន្តបន្ទាប់។

ហ្គេមដ៏លេចធ្លោមួយដែលបានធ្វើឲ្យក្រុម Sabay Osja សាងកេរ្តិ៍ឈ្មោះល្បីគឺហ្គេម Asva The Monkey ដែលទទួលការទាញកម្សាន្តរាប់ម៉ឺនដងពីអ្នកកម្សាន្តទាំងក្នុងស្រុកនិងក្រៅស្រុក។

បង្កើតឡើងតាំងពីឆ្នាំ ២០១១ Sabay Osja ដែលប្តូរឈ្មោះពី Osja Studio បានបង្កើតហ្គេមកម្សាន្តគិតមកទល់ពេលនេះបានជាង ១៣ ហ្គេមដែលហ្គេមល្បីៗមានដូចជា Asva The Monkey, យក្សអរ, Ninja និង Impossible ជាដើម។

បន្តអាន៖ Sabay សហការ Osja Studio វិនិយោគអាជីវកម្មផលិតហ្គេមកម្សាន្ត

DirexPlay

ក្រុម DirexPlay

DirexPlay ក៏ជាក្រុមអភិវឌ្ឍហ្គេមដ៏ល្បីឈ្មោះមួយទៀតនៅប្រទេសកម្ពុជា។ ក្រុមនេះបង្កើតឡើងមានរយៈពេលជិត ៣ ឆ្នាំ ដោយបានផលិតហ្គេមកម្សាន្តគួរឲ្យចាប់អារម្មណ៍មួយចំនួនដូចជាហ្គេមសុក សៅ និងហ្គេមបុកខ្មោច Chasing Zombies និង Hungry ObOb សម្រាប់លេងកម្សាន្តនៅលើប្រព័ន្ធ Android, iOS និង Windows Phone។

បន្តអាន៖ ហ្គេមខ្មែរ “សុក និងសៅ” គ្រាន់តែឮឈ្មោះក៏បង្កប់អត្តសញ្ញាណជាតិដែរ

អត្ថបទ៖ ប៊ុណ្ណារ៉ា