Adele ស្រែកមួយទំហឹងច្រៀងផ្ទាល់បទថ្មី "Hello"លើឆាកប្រគល់រង្វាន់

2015-11-10 16:26:43
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងសំឡេងខ្លាំង Adele បានលើកយកបទថ្មី "Hello" មកច្រៀងផ្ទាល់ក្នុងកម្មវិធីប្រគល់ពានរង្វាន់តន្ត្រី NRJ Awards ក្នុងទីក្រុង Cannes ប្រទេសបារាំង។

ដោយមានការលេងពីក្រុមតន្ត្រីនិងចម្រៀងបន្ទរពីតារាចម្រៀងស្រី២នាក់នៅពីក្រោយ តារាចម្រៀងស្រីវ័យ២៧ឆ្នាំបានស្រែកច្រៀងអស់ពីថាមពលជាមួយភ្លេងព្យ៉ាណូនិងភ្លើងភ្លឺចិញ្ចាចចិញ្ចែងបាញ់ពីក្រោយ។ បន្ទាប់ពីច្រៀងចប់ភ្លាម Adeleទទួលបានស្នូរទះដៃយ៉ាងកងរំពងពីសំណាក់ទស្សនិកជន។

ទស្សនាការចម្រៀងរបស់ Adeleខាងក្រោម៖

"Hello" ជាចម្រៀងដែលបានបំបែកកំណត់ត្រាដល់ទៅ៥ត្រឹមរយៈពេលជាងមួយសប្ដាហ៍សម្រាប់ការចេញដំបូងក្នុងនោះមានដូចជា៖

ក្លាយជាបទចម្រៀងរបស់តារាចម្រៀងស្រីដែលលក់ដាច់ជាងគេក្នុងសប្ដាហ៍ដំបូង ក្នុងសហរដ្ឋអាមេរិក។
ជាបទចម្រៀងដែលលក់បានច្រើនជាងបទចម្រៀងដទៃក្នុងឆ្នាំ២០១៥ ត្រឹមរយៈពេលមួយសប្ដាហ៍ដំបូង។
ជាប់កំណត់ត្រាជាវីដេអូចម្រៀងដែលមានអ្នកចូលទស្សនាច្រើនជាងគេក្នុងពេល២៤ម៉ោង គឺបានដល់ទៅ២៧លានដង។
ជាបទដែលមានអ្នកស្ដាប់តាមអនឡាញច្រើនជាងគេក្នុងមួយថ្ងៃដំបូងនៅសហរដ្ឋអាមេរិកគឺដល់ទៅ ២,៣លានដង។
ជាបទចម្រៀងដែលលក់បានច្រើនជាងគេក្នុងមួយសប្ដាហ៍ដំបូង ដោយអាចលក់បានចំនួន ១,១លានកូពី នៅសហរដ្ឋអាមេរិក។