ឥណ្ឌូណេស៊ី គ្រោងដាក់ក្រពើកាចៗ យាមគុកដាក់អ្នកទោសគ្រឿងញៀន
- 2015-11-11 15:22:56
- ចំនួនមតិ 0 | ចំនួនចែករំលែក 0
ឥណ្ឌូណេស៊ី គ្រោងដាក់ក្រពើកាចៗ យាមគុកដាក់អ្នកទោសគ្រឿងញៀន
ចន្លោះមិនឃើញ
ឥណ្ឌូណេស៊ី គ្រោងសាងសង់អគារពន្ធនាគារលើកោះមួយ ដែលយាមដោយហ្វូងក្រពើជាច្រើនក្បាល ចំពោះអ្នកទោសត្រូវប្រហារជីវិត ពោលគឺអ្នកទោសជួញដូរគ្រឿងញៀន។
លោក Budi Waseso ប្រធានភ្នាក់ងារប្រឆាំងគ្រឿងញៀន បាននិយាយថា សត្វក្រពើតែងតែជាអ្នកឃ្លាំមើលប្រសើរជាងមនុស្ស ព្រោះពួកវាមិនចេះស៊ីសំណូកឡើយ។
លោកនឹងធ្វើដំណើរទៅកាន់ផ្នែកផ្សេងៗនៅតាមប្រជុំកោះឥណ្ឌូណេស៊ី ដើម្បីស្វែងរកក្រពើសាហាវៗបំផុត។ លោកបានឲ្យដឹងថា៖ "យើងនឹងជំនួសហ្វូងក្រពើឲ្យបានច្រើនតាមដែលអាចទៅរួច នៅកន្លែងឃុំអ្នកទោស។ គ្រប់គ្នាមិនអាចស៊ីសំណូក បញ្ចុះបញ្ចូល ដើម្បីឲ្យអ្នកទោសរួចខ្លួនឡើយ"។
ប្រទេសឥណ្ឌូណេស៊ីមានច្បាប់ដាក់ទោសគ្រឿងញៀនធ្ងន់ធ្ងរបំផុតក្នុងលោក ដោយចងផ្អោបនឹងសសរបាញ់សម្លាប់ សម្រាប់អ្នកជួញដូរគ្រឿងញៀន ហើយទោសនេះបានផ្អាកអស់រយៈពេល ៤ឆ្នាំម្ដងហើយ មុនឆ្នាំ ២០១៣។ កាលពីខែមេសាកន្លងទៅ ឥណ្ឌូណេស៊ីបានធ្វើឲ្យប្រទេសជាច្រើនខឹងសម្បារ ក្រោយបាញ់សម្លាប់អ្នកទោសគ្រឿងញៀនបរទេស ៧នាក់។
បើតាមភ្នាក់ងារសារព័ត៌មានបារាំង AFP ផ្សាយថា គម្រោងនេះកំពុងស្ថិតនៅដំណាក់កាលបឋមនៅឡើយ មិនទាន់មានទីតាំង និងកំណត់ពេលវេលានៅឡើយទេ៕
ចុុចអាន៖ កូនក្របីចម្លែក រាងដូចក្រពើ ផ្អើលអ្នកភូមិនៅថៃ
ប្រែសម្រួល៖ ឡេង ភារុណ ប្រភព៖ channelnewsasia
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
