មីយ៉ាន់ម៉ាជាប់ជាប្រទេសសប្បុរសជាងគេក្នុងលោក អាមេរិកជាប់លេខ២
- 2015-11-11 17:36:02
- ចំនួនមតិ 0 | ចំនួនចែករំលែក 0
មីយ៉ាន់ម៉ាជាប់ជាប្រទេសសប្បុរសជាងគេក្នុងលោក អាមេរិកជាប់លេខ២
ចន្លោះមិនឃើញ
មីយ៉ាន់ម៉ា ត្រូវបានអង្គការ CAF America ចាត់ថ្នាក់ថាជាប្រទេសដែលមានប្រជាជនសប្បុរសជាងគេលើពិភពលោក តាមពីក្រោយដោយសហរដ្ឋអាមេរិក។ នេះបើយោងតាមការចុះផ្សាយរបស់វិបសាយ Market Watch។
ទីក្រុងបុរាណ Bagan ប្រទេសមីយ៉ាន់ម៉ា
ការស្ទង់មតិដែលធ្វើឡើងដោយអង្គការអន្តរជាតិ CAF America មានមូលដ្ឋានក្នុងប្រទេសអង់គ្លេស បានចាត់ថ្នាក់១៤៥ប្រទេស ហើយយុទ្ធនាការនោះក៏មានគោលបំណងផ្សព្វផ្សាយ និងជំរុញទឹកចិត្តអំពីការស្នេហាជាតិផងដែរ។
ចំណាត់ថ្នាក់លេខ១បានទៅលើប្រទេសមីយ៉ាន់ម៉ា ហើយការចាត់ថ្នាក់នោះគឺធ្វើឡើងដោយផ្អែកការចូលរួមចំណែករបស់ប្រជាជនក្នុងសកម្មភាពសប្បុរសធម៌សង្គម ការចេះជួយគ្នា និងការចូលរួមស្ម័គ្រចិត្តរបស់ប្រជាជន។ លទ្ធផលស្ទង់មតិបានបង្ហាញថាប្រជាជនមីយ៉ាន់ម៉ាទទួលបានពិន្ទុ៦៦ភាគរយ មានន័យថា ប្រជាជនមីយ៉ាន់ម៉ា ចេះជួយយកអាសាគ្នា ចូលរួមស្ម័គ្រចិត្តក្នុងសង្គម និងបរិច្ចាគលុយចូលជាជំនួយសប្បុរសធម៌ច្រើន។ ចំណែកសហរដ្ឋអាមេរិកលំដាប់ទីពីរគឺបានពិន្ទុ៦១ភាគរយ។
ប្រទេសមីយ៉ាន់ម៉ាត្រូវបានចាត់ថ្នាក់ដោយ ធនាគារពិភពលោក World Bank ថាជាប្រទេសមានចំណូលទាបកម្រិតមធ្យមប៉ុន្តែបានជាប់ក្នុងលំដាប់ទី១ខណៈដែលសហរដ្ឋអាមេរិកជាប្រទេសមួយរកចំណូលបានច្រើនបានលំដាប់ទី២នៃភាពសប្បុរសធម៌ និងការស្ម័គ្រចិត្តរបស់ប្រជាជន។
លទ្ធផលខាងលើត្រូវបានចុះផ្សាយកាលពីម្សិលមិញ ក្រោយគម្រោងនេះបានចាប់ផ្ដើមស្ទង់មតិតាំងពីឆ្នាំ២០១៤មក។ ខាងក្រោមនេះក៏បង្ហាញពីចំណាត់ថ្នាក់ប្រទេសមួយចំនួនទៀត៕
ចុចអាន៖ ព្រះអង្គម្ចាស់អារ៉ាប៊ីសាអ៊ូឌីតនឹងបរិច្ចាគព្រះរាជទ្រព្យទាំងអស់ជាជំនួយមនុស្សធម៌
ចុចអាន៖ គណបក្សលោកស្រីអ៊ុងសាន ស៊ូជី ឈ្នះជាង ៧០%
ប្រែសម្រួល៖ មាន រតនា ប្រភព៖ marketwatch