ក្រុមជប៉ុន ហ្វឹកហាត់នៅអូឡាំពិកថ្ងៃទី១៤ មិនឲ្យនរណាម្នាក់ចូលមើលសោះ

2015-11-12 17:36:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជប៉ុនសំបូរដោយកំពូលតារាល្បីៗនៅអឺរ៉ុបដែលអ្នកគាំទ្រកម្ពុជាភាគច្រើនស្គាល់ និងចង់ឃើញនោះ ប្រហែលជាមិនបានទស្សនាសម្រាប់ការហ្វឹកហាត់របស់ពួកគេជាលើកដំបូងនៅពហុកីឡដ្ឋានជាតិនៅថ្ងៃទី១៤ ដើម្បីត្រៀមខ្លួនប៉ះម្ចាស់ផ្ទះកម្ពុជានៅថ្ងៃទី១៧ ខែវិច្ឆិកា ឆ្នាំ២០១៥សម្រាប់វគ្គជម្រុះបាល់ទាត់ពិភពលោកឆ្នាំ២០១៨ ប្រចាំតំបន់អាស៊ី ជុំទីពីរ ជើងទីពីរ។

ក្រុមជម្រើសជាតិជប៉ុនហ្វឹកហាត់ (រូបថត៖JFA)

តាមប្រភពដ៏គួរឲ្យទុកចិត្តម្នាក់បានឲ្យដឹងថា នាល្ងាចម៉ោង៥ ស្អែកនេះក្រុមជម្រើសជាតិជប៉ុន នឹងមកដល់ប្រទេសកម្ពុជា ដែលមានកីឡាករចំនួន ២៣នាក់និងមន្ត្រីថ្នាក់ដឹកនាំ៣១នាក់។ ការមកដល់នេះក៏មានរថយន្ត ៤៥កៅអីមួយគ្រឿងទៅទទួល ម៉ូតូធំមានសារ៉ែន១គ្រឿងបើកពីមុខ និងម៉ូតូអមឆ្វេងស្ដាំថែមទៀត។

ប្រភពបន្តថា ប្រតិភូ និងថ្នាក់ដឹកនាំទាំង៣១នាក់មិនមកកម្ពុជាក្នុងពេលជាមួយកីឡាករឡើយ ស្របពេលប្រធានសហព័ន្ធកីឡាបាល់ទាត់របស់ជប៉ុន នឹងមកមុនការប្រកួតមួយថ្ងៃ(ពោលគឺថ្ងៃទី១៦ ខែវិច្ឆិកា ឆ្នាំ២០១៥)។ កីឡាករ និងថ្នាក់ដឹកនាំទាំង៥៤នាក់សម្រាកនៅសណ្ឋាគារផ្កាយប្រាំក្នុងរាជធានីភ្នំពេញ។ ក្រុមជម្រើសជាតិជប៉ុន នឹងចេញហ្វឹកហាត់នៅពហុកីឡដ្ឋានជាតិនៅថ្ងៃទី១៤ ខែវិច្ឆិកា ឆ្នាំ២០១៥ ដោយមិនឲ្យមានអ្នកមកមើល សូម្បីអ្នកហាត់ប្រាណក៏បិទមិនឲ្យចូលពហុកីឡដ្ឋានជាតិផងដែរ។

ក្រុមជម្រើសជាតិជប៉ុន មកកម្ពុជាក្រោយប្រកួតសន្សំពិន្ទុជាមួយប្រទេសសិង្ហបុរីក្នុងជើងទី២ នាល្ងាចម៉ោង ៦:១៥ ថ្ងៃទី១២ ខែវិច្ឆិកា ឆ្នាំ២០១៥ នៅទឹកដីប្រទេសសិង្ហបុរី ស្របពេលល្ងាចម៉ោង ៦:៣០ នេះក្រុមជម្រើសជាតិកម្ពុជា ប្រកួតជាមួយអាហ្វហ្គានីស្ថានក្នុងពូល E ដូចគ្នា៕

មើលការហ្វឹកហាត់របស់ជប៉ុន