ចៀវៃ បដិសេធមិនព្រមធ្វើអ្នកកំដរឲ្យ Fan BingBing

2015-11-16 18:15:27
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងស្រីស្រស់ស្អាតមកពីតៃវ៉ាន់ Ruby Lin បានឆ្លើយសំនួរពាក់ព័ន្ធនឹងការធ្វើជាអ្នកកំដរកូនក្រមុំឲ្យមិត្តភ័ក្ដិជិតស្និទ្ធ។

កាលពីយប់ថ្ងៃទី ១៤ ខែ វិច្ឆិកាមុននេះ តារាភាពយន្តចិនពីររូបគឺ Ruby Lin និង Fan Bing Bing មានឱកាសជួបគ្នាសារជាថ្មីនៅក្នុងកម្មវិធីដែលត្រូវបានធ្វើឡើងដោយប៉ុស្តិ៍ទូរទស្សន៍មួយ។ នៅក្នុងកម្មវិធីនេះ អ្នកទាំងពីរត្រូវបានគេឃើញថាអង្គុយជាប់គ្នានិងបង្ហាញសកម្មភាពស្និទ្ធស្នាល លុបបំបាត់ពាក្យចចាមអារ៉ាមដែលថាពួកគេមិនពេញចិត្តនឹងគ្នា។

ឆ្លើយតបនឹងសំនួរនៅក្នុងសន្និសីទកាសែតក្រោយនោះ ចំពោះសំនួរពាក់ព័ន្ធនឹងរឿងធ្វើជាអ្នកកំដរក្នុងថ្ងៃអាពាហ៍ពិពាហ៍របស់ Fan Bing Bing តួស្រីរឿង "ព្រះនាងយេយេ" បានឆ្លើយថាទេចំពោះសំនួរនេះ។ នាងបានប្រាប់ហេតុផលថា៖ "ខ្ញុំគិតថាខ្ញុំហួសអាយុធ្វើជាអ្នកកំដរកូនក្រមុំហើយ ដូចនេះគ្មានគំនិតចង់ធ្វើទេ"។ Ruby ក៏បានឲ្យដឹងបន្ថែមទៀតថាខ្លួនមិនទាន់បានទទួលសំបុត្រអញ្ជើញរបស់ Fan Bing Bing ដូចព័ត៌មានចុះផ្សាយនោះដែរ។ "ខ្ញុំបានសាកសួរនាងរឿងរៀបការជាមួយ Li Chen ដែរ តែនាងថាមិនទាន់ដល់ពេលនោះទេ" តារាវ័យ ៣៩ ឆ្នាំបង្ហើប។

មុននោះបណ្ដាញព័ត៌មាន West Capital News បានចុះផ្សាយថា Fan Bing Bing និង Li Chen បានចុះឈ្មោះរៀបអាពាហ៍ពិពាហ៍រួចហើយ ហើយអ្នកទាំងពីរនឹងរៀបការនៅខេត្ត Hainan នៅថ្ងៃទី ១ ខែមករា ឆ្នាំ ២០១៦។ ប្រភពដដែលនេះក៏បានប្រាប់ពីឈ្មោះតារាដែលនឹងចូលរួមកម្មវិធីនេះផងដែរដោយក្នុងនោះរួមមាន ឈិន ឡុង, កុំកុំ, Zhao Wei, Ruby Lin, Li Bing Bing, Liu Yifei, Angelababy, Huang Xiaoming, Shu Qi និងតារាជាច្រើនទៀត៕