មើលភាពយន្តល្បីៗទើបចាក់បញ្ចាំង កំពុងរកចំណូលប្រដេញគ្នា

2014-10-19 20:13:38
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង "Fury" ត្រូវបានរាយការណ៍ថា រកចំណូលបានប្រមាណជា ៨,៨ដុល្លារកាលពីថ្ងៃសុក្រ។ ភាពយន្តនិយាយពីសង្គ្រាមលោកទីពីរ និងសម្ដែងដោយតារាហូលវីវូដល្បី លោក Brad Pitt ត្រូវបានអ្នកទស្សនានិយាយតគ្នាពីមាត់មួយទៅមាត់មួយពីភាពអស្ចារ្យ។ ត្រឹមចុងសប្ដាហ៍ភាពយន្តនេះរកបាន២៥,៧លានដុល្លារ។ ប៉ុន្តែមានភាពយន្ត៣ផ្សេងទៀតក៏កំពុងដេញតាមពីក្រោយផងដែរ៖

១) រឿងសង្គ្រាមលោកលើកទីពីរ "Fury" ត្រូវបានគេប៉ានស្មានដើមទុនផលិតអស់៨០លានដុល្លារ រកបាន២៥លានដុល្លារហើយ បន្ទាប់ពីចាប់ផ្ដើមចាក់បញ្ចាំងនៅថ្ងៃសុក្រទី១៧ នៅអាមេរិក កាណាដា និងប្រទេសបាហាម៉ា។

២) ភាពយន្ត “Gone Girl” និយាយអំពីការបាត់ខ្លួនភរិយារបស់បុរសម្នាក់ ផលិតអស់ថវិកាប្រហែល៣៧,៥លានដុល្លារ ចាក់បញ្ចាំងតាំងពីថ្ងៃព្រហស្បតិ៍ រកចំណូលបាន១៨លានដុល្លារ។

៣) ចំណែករឿងតុក្កតា "The Book of Life" បានចាក់បញ្ចាំងនៅអាមេរិក កាលពីថ្ងៃសុក្រ ទី១៧ រកបានលុយពីការទស្សនាចំនួន១៧,៥លានដុល្លារ។

៤) ដោយឡែក ភាពយន្ត "The Best of Me" និយាយអំពីអតីតសង្សារនឹងគ្នាកាលនៅរៀន បានជួបគ្នាវិញពេលពួកគេបានទៅលេងស្រុក ចាក់បញ្ចាំងកាលពីថ្ងៃសុក្រ ទី១៧ រកបានចំណូល១១,៥លានដុល្លារ មកទល់នឹងពេលនេះ។