ធ្លាយរឿង Ruby Lin រៀបការជាមួយតារាប្រុសក្មេងជាង៦ឆ្នាំ តែផលិតកម្មបដិសេធ

2015-11-17 21:56:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានតួឯករឿង "ព្រះនាងយេយេ" ចុះឈ្មោះរៀបការជាសម្ងាត់ជាមួយតារាប្រុសវ័យក្មេងធ្វើឲ្យអ្នកគាំទ្រភ្ញាក់ផ្អើល។

ពីរថ្ងៃកន្លងមកនេះ អ្នកតាមដានវិស័យសិល្បៈតៃវ៉ាន់និងចិនបានជ្រួលច្របល់ចំពោះព័ត៌មានតារាសម្ដែងស្រី Ruby Lin ស្ងាត់ៗរៀបការជាមួយមិត្តរួមការងារ Ethan Li។ Ethan Li និង Ruby Lin បានស្គាល់គ្នាដំបូងនៅពេលសហការក្នុងរឿង "The Wonderful Wedding”។ វិបសាយព័ត៌មានធំៗដូចជា Fun Youth និង CNR សុទ្ធតែបានចុះផ្សាយថាអ្នកទាំងពីរបានរៀបការជាមួយនឹងគ្នារួចហើយ ព្រមទាំងមានភ្ជាប់មកជាមួយនឹងលិខិតអាពាហ៍ពិពាហ៍មួយផងដែរ។

បណ្ដាញព័ត៌មានទាំងនេះបានឲ្យដឹងថា Ruby Lin និង Ethan Li ចាប់ផ្ដើមមានចិត្តលើគ្នានៅពេលថតរឿង "The Wonderful Wedding”។ Ethan Li កើតឆ្នាំ ១៩៨២ ស្រុកកំណើតនៅខេត្ត Zhengzhou ប្រទេសចិន និងធ្លាប់បានទស្សនិកជនស្គាល់មុខតាមរយៈរឿង "1011” និង "Sacrifice” ជាដើម។

ភ្លាមៗក្រោយពេលព័ត៌មាននេះបានចុះផ្សាយ ក្រុមអ្នកកាសែតបានទាក់ទងទៅកាន់តំណាងក្រុមហ៊ុនរបស់អ្នកទាំងពីរដើម្បីបញ្ជាក់ពីរឿងនេះ។ ដូចសព្វមួយដង តំណាងក្រុមហ៊ុនទាំងពីរបានបដិសេធនឹងព័ត៌មាននេះទាំងស្រុង ហើយបន្ថែមថាលិខិតរៀបការនោះគឺក្លែងក្លាយ៕