Beyonce បង្ហាញរូបឈុតប៊ីគីនីច្រើនសន្លឹក ទាក់ទាញចំណាប់អារម្មណ៍ខ្លាំង

2014-09-17 17:25:15
ចំនួនមតិ 0 | ចំនួនចែករំលែក 0

ចន្លោះមិនឃើញ

រាជនីចម្រៀងប៉ុបអាមេរិក Beyonce បានបង្ហាញរូបភាពក្នុងឈុតប៊ីគីនីជាច្រើនសន្លឹកនៅលើទំព័រ Tumblr របស់នាងកាលពីថ្ងៃអង្គារម្សិលមិញ ដោយរូបភាពទាំងនោះនាងបានថតនៅថ្ងៃខួបកំណើតលើក៣៣របស់ខ្លួន កាលពីថ្ងៃទី៤ ខែកញ្ញា កន្លងទៅ។

រូបភាពជាច្រើនសន្លឹកនេះបានបង្ហាញនូវរូបរាងដ៏សិចស៊ីរបស់ Beyonce ដែលគេកម្របានឃើញមួយរយៈពេលចុងក្រោយ ដែលអាចទាក់ទាញចំណាប់អារម្មណ៍អ្នកទស្សនាយ៉ាងច្រើនរហូតក្លាយជាប្រធានបទដ៏ពេញនិយមលើសារព័ត៌មានអន្តរជាតិនានា។ រូបភាពទាំងនេះ បានបង្ហាញពីការប្រារព្ធពិធីខួបកំណើតរបស់ Beyonce នៅលើឆ្នេរសមុទ្រ ជាមួយក្រុមគ្រួសារ រួមមានស្វាមីរបស់នាងគឺតារាចម្រៀង Jay Z កូនស្រីអាយុ២ឆ្នាំរបស់ពួកគេ Blue Ivy រួមទាំងមិត្តភ័ក្ដិមួយចំនួន។

អាន៖ Nicki Minaj មើលពីក្រោមឃើញលើគោក

មួយរយៈចុងក្រោយនេះ គេឃើញមានពាក្យចចាមអារ៉ាមជាច្រើនពាក់ព័ន្ធ នឹងគូស្នេហ៍តារាចម្រៀងមួយគូនេះ ដូចជាពាក្យចចាមអារ៉ាមថាអ្នកទាំងពីរនឹងលែងលះ និងពាក្យចចាមអារ៉ាមថា Beyonce កំពុងមានផ្ទៃពោះកូនទីពីរ។ ទោះយ៉ាងតារាទាំងពីរដួង មិនបានធ្វើការបកស្រាយ និងឆ្លើយតបអ្វីឡើយ ចំពោះព័ត៌មានទាំងនេះ។ ក៏ប៉ុន្តែពាក់ព័ន្ធនឹងព័ត៌មានលែងលះ លោក Mathew Knowles ជាឪពុករបស់តារាចម្រៀងម្ចាស់បទ "Crazy in Love” រូបនេះ បានអះអាងថា ពួកគេបានបំផុសពាក្យចចាមអារ៉ាមនេះដោយខ្លួនឯង ក្នុងបំណងដើម្បីជំរុញការលក់សំបុត្រចូលមើលការប្រគំតន្ត្រីរបស់ពួកគេតែប៉ុណ្ណោះ។ ការប្រគំតន្ត្រីទេសចរណ៍ "On The Run Tour” ដែលសម្ដែងដោយ Beyonce និង Jay Z នេះ គឺទើបតែបញ្ចប់ដោយជោគជ័យ កាលពីថ្ងៃទី១៣ ខែកញ្ញា កន្លងទៅ ដោយតាមរយៈការសម្ដែងទាំង២១លើក នៅទីក្រុងចំនួន ១៩ ពួកគេអាចរកចំណូលបានជិត ៩៦លានដុល្លារ ពីការលក់សំបុត្រ ៕