“Unbroken” ភាពយន្តថ្មីរបស់ Angelina Jolie អំពីសង្គ្រាមលោកលើកទីពីរ

2014-10-20 15:47:30
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែងអាមេរិក Angelina Jolie កំពុងត្រៀមចេញខ្សែភាពយន្តថ្មីមួយទៀតដែលនាងបានដឹកនាំ គឺរឿង "Unbroken”។ បន្ទាប់ពី Brad Pitt ដែលជាស្វាមី បានចេញខ្សែភាពយន្តថ្មីមួយអំពីសង្គ្រាមលោកលើកទីពីរ គឺរឿង "Fury" ខ្សែភាពយន្ត "Unbroken” របស់ Angelina Jolie ក៏រៀបរាប់ពីរឿងដែលកើតឡើងក្នុងសម័យសង្គ្រាមលោកលើកទីពីរដែរ។

Angelina Jolie និងលោក Louis Zamperin

រឿងនេះរៀបរាប់ពីខ្សែជីវិតរបស់កីឡាកររត់ប្រណាំងអូឡាំពិក Louis Zamperin និងទាហានម្នាក់ ដែលបានរួចជីវិតពីការផ្ទុះយន្តហោះក្នុងអំឡុងពេលសង្គ្រាម ដែលក្រោយមកត្រូវទាហានជប៉ុនចាប់យកទៅធ្វើទារុណកម្ម។ ឈុតខ្លីៗក្នុងវីដេអូ បានបង្ហាញពីការប្រែប្រួលនៃជីវិតលោក Zamperin (សម្ដែងដោយ Jack O'Connell) ពីក្មេងប្រុសខិលខូចម្នាក់ ក្លាយជាអត្តពលិកជើងឯក រួចក្លាយជាអ្នកទោសដែលត្រូវទទួលទារុណកម្មដ៏ព្រៃផ្សៃក្នុងជំរំជប៉ុនរយៈពេលជាង ២ឆ្នាំ។

តួអង្គសំខាន់ៗក្នុងខ្សែភាពយន្តនេះ សម្ដែងដោយ តារាសម្ដែងអង់គ្លេស Jack O'Connell, តារាសម្ដែងជប៉ុន Miyavi, តារាសម្ដែងអាមេរិក Garrett Hedlund និងតារាសម្ដែងអូស្រ្តាលី Jai Courtney។

នេះគឺជាស្នាដៃដឹកនាំរឿងទី៣ របស់តារាវ័យ ៣៩ឆ្នាំរូបនេះ បន្ទាប់ពីរឿង "In the Land of Blood and Honey” កាលពីឆ្នាំ២០០៧ និងភាពយន្តឯកសារ "A Place in Time” កាលពីឆ្នាំ២០០៧។

"Unbroken" នឹងចាប់ផ្ដើមបញ្ចាំងនៅថ្ងៃទី២៥ ខែធ្នូ ខាងមុខនេះ។

ទស្សនាឈុតខ្លីៗ៖

http://youtu.be/X8mBzKLhL0U

សកម្មភាព Angelina Jolie ពេលដឹកនាំរឿង "Unbroken"៖