បុរសមួយរូបបង្ហោះលិខិតឆ្លងដែនលើ Facebook ដើម្បីបញ្ជាក់ថាឈ្មោះគាត់ជាឈ្មោះពិត

2015-11-22 21:11:38
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសសញ្ជាតិវៀតណាមអូស្ត្រាលី មួយរូបត្រូវបានបង្ខំចិត្តបង្ហោះរូបលិខិតឆ្លងដែនរបស់ខ្លួននៅលើ Facebook ដើម្បីបញ្ជាក់ថាឈ្មោះរបស់គាត់គឺឈ្មោះពិតប្រាកដ។

បុរសអភ័ព្វរូបនេះមានឈ្មោះថា Phuc Dat Bich ដែលពាក្យនេះប្រកបចេញសូរសំឡេងមិនសមរម្យប្រសិនបើប្រកបតាមភាសាអង់គ្លេស។ ដោយសារតែមូលហេតុនេះហើយទើបបានជា Facebook ធ្វើការ Block គណនីរបស់គាត់ជាច្រើនសារនិងសំណូមពរឲ្យប្រើឈ្មោះពិតប្រាកដដែលជាពាក្យត្រឹមត្រូវវិញ។ ដើម្បីបញ្ជាក់ថាឈ្មោះរបស់គាត់គឺជាឈ្មោះពិត Bich ក៏បានបង្ហោះលិខិតឆ្លងដែនរបស់ខ្លួនលើគណនី Facebook ដោយអមជាមួយនឹងសារមួយ។

"ខ្ញុំយល់ថាវាជារឿងដែលគួរឲ្យខឹងខ្លាំងបំផុត ព្រោះតែមានមនុស្សមិនជឿខ្ញុំនៅពេលដែលខ្ញុំនិយាយថាព្រោះពិតប្រាកដរបស់ខ្ញុំគឺដូចអ្វីដែលអ្នកបានឃើញ។ ខ្ញុំត្រូវបានគេចោទប្រកាន់ពីបទប្រើឈ្មោះមិនពិតនិងមិនសមរម្យ ដែលខ្ញុំយល់ថានេះគឺជាងាយប្រហារទឹកចិត្តមួយ។ តើនេះដោយសារតែខ្ញុំជាជនជាតិអាស៊ីមែនទេ? គណនី Facebook របស់ខ្ញុំត្រូវបានគេបិទជាច្រើនលើកមកហើយ និងបង្ខំឲ្យខ្ញុំប្ដូរប្រើឈ្មោះពិត ហេតុនេះខ្ញុំចង់បង្ហាញឲ្យឃើញថា នេះពិតជាឈ្មោះខ្ញុំមែន"។

គួរបញ្ជាក់ថា រូបថតលិខិតឆ្លងដែននេះលោក Bich បានបង្ហោះតាំងពីខែមករា ដើមឆ្នាំ២០១៥មកម្ល៉េះ ហើយទើបតែពេលនេះត្រូវបានអ្នកប្រើប្រាស់បណ្ដាញសង្គម Facebook ជាច្រើនធ្វើការចែករំលែកតៗគ្នា៕ ចុចអាន៖ ស្មាតហ្វូនដំបូងរបស់ Pepsi ដាក់លក់ដំបូងមួយគ្រឿង៧៨ដុល្លារ លក់អស់រលីង