សិច ជាមូលហេតុពីក្រោយស្ត្រីចិនពាក់ស្បែកជើងកន្តុបពត់ម្រាមចូលគ្នា
- 2015-11-27 18:47:23
- ចំនួនមតិ 0 | ចំនួនចែករំលែក 0
សិច ជាមូលហេតុពីក្រោយស្ត្រីចិនពាក់ស្បែកជើងកន្តុបពត់ម្រាមចូលគ្នា
ចន្លោះមិនឃើញ
ស្ត្រីជនជាតិចិនបានប្រកាន់ខ្ជាប់ពាក់ស្បែកជើងរឹតតូច តាំងពីរាប់សតវត្សមកហើយ ដែលត្រូវបានគេចាត់ទុកថាជាប្រពៃណីសាហាវឃោរឃៅមួយ ប៉ុន្តែនៅដើមសតវត្សទី ២០ ទម្លាប់នេះត្រូវបានបាត់សាបសូន្យ ក្រោយរដ្ឋាភិបាលចិនបានចេញបម្រាមហាមឃាត់។ មានមូលហេតុផ្សេងៗនាពេលកន្លងមក ប៉ុន្តែមូលហេតុថ្មីចុងក្រោយនេះ គឺទាក់ទងនឹងបញ្ហាជីវិតសិច។
ការពាក់ស្បែកជើងបែបនេះ បានធ្វើចំពោះក្មេងស្រីចាប់ពីអាយុ ៥ ឬ ៦ឆ្នាំឡើងទៅ។ ដំបូងជើងក្មេងស្រីត្រូវដាក់ត្រាំក្នុងទឹកក្ដៅឧណ្ហៗ និងក្រចកម្រាមជើងត្រូវកាត់តម្រឹមឲ្យស្មើ។ បន្ទាប់មកលើកជើងទាំងនោះឡើង រួចលាបប្រេង ម៉ាស្សាគ្រប់ម្រាម លើកលែងមេជើង និងពត់វាឲ្យជាប់បាតជើងរាងត្រីកោណ រួចសឹមពាក់ស្បែកជើងកន្តុបនេះ។
ដើម្បីឆាប់បានជើងកន្តុប ក្មេងស្រីៗត្រូវបង្ខំឲ្យដើរកាន់ឈើច្រត់ ពាក់ស្បែកជើងដដែល នូវចម្ងាយផ្លូវឆ្ងាយទៀតផង ហើយរយៈពេលយ៉ាងតិច ២ឆ្នាំ ជើងនឹងពត់បានដូចតាមការចង់បាន។មួយវិញទៀត ស្ត្រីដែលអនុវត្តទម្លាប់នេះពុំបានទេ នោះគេនឹងមិនអនុញ្ញាតឲ្យរៀបការឡើយ។
កន្លងមក មានការលើកឡើងមូលហេតុផ្សេងៗដែលធ្វើឲ្យគេអនុវត្តន៍បែបនេះ ដូចជាដើម្បីបង្ហាញពីស្ថានភាពរស់នៅ អ្នកមានទ្រព្យសម្បត្តិ ឬឥទ្ធិពលរបស់ប្ដីជាដើម។ ប៉ុន្តែមូលហេតុថ្មីចុងក្រោយដែលគួរឲ្យភ្ញាក់ផ្អើល គឺការធ្វើបែបនេះ ដើម្បីឲ្យស្រ្ដីមានភាពសិចស៊ីពេលដើរ និងដើម្បីបង្កើនភាពខ្លាំងរបស់ស្រ្ដីនៅអំឡុងពេលរួមភេទ។ ទ្រឹស្ដីមួយបានលើកឡើងថា :"ប្រអប់ជើងបត់ចូលគ្នាកាន់តែតូច សាច់ដុំទ្វារមាសរបស់ស្រ្ដីកាន់តែខ្លាំងពេលរួមភេទ"។
យ៉ាងណាក្ដី មកទល់សព្វថ្ងៃស្ត្រីជនជាតិចិនដែលមានប្រអប់ជើងបត់ចូលគ្នា គេអាចប្រទះឃើញតែចំពោះស្រ្ដីចំណាស់ៗនៅតាមតំបន់ដាច់ស្រយាលប៉ុណ្ណោះ ខណៈមនុស្សសម័យថ្មីបានបំភ្លេចទម្លាប់ចាស់នេះហើយ៕
ប្រែសម្រួល៖ ឡេង ភារុណ ប្រភព៖ metro