Van Gaal ថាបើ Man Utd មាន Suarez ឬ Aguero នឹងអាចរកគ្រាប់បាល់យ៉ាងស្រួល

2015-12-07 14:37:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងការប្រកួតជាមួយ West Ham លោក Louis van Gaal បានបញ្ជាក់ថាក្រុម Manchester United មានឱកាសច្រើនក្នុងការរកគ្រាប់បាល់ ប៉ុន្តែខ្សែប្រយុទ្ធបែរជាមិនអាចធ្វើបានសម្រេចទៅវិញ។ ដូច្នេះប្រសិនបើបិសាចក្រហមមានខ្សែប្រយុទ្ធដូចជា Luis Suarez ឬ Sergio Aguero វិញ នោះក្រុមទាំងមូលនឹងអាចមានគ្រាប់បាល់ច្រើនជាមិនខាន។

Man Utd ស្មើ West Ham ០-០ នៅកីឡដ្ឋាន Old Trafford កាលពីយប់ថ្ងៃសៅរ៍កន្លងទៅនេះ បានធ្វើឱ្យអ្នកគាំទ្រមិនសប្បាយចិត្តនោះទេ ដោយបានស្រែកថា “ ប្រយុទ្ធ ប្រយុទ្ធ ប្រយុទ្ធ” រហូត ព្រោះកីឡាករខ្សែប្រយុទ្ធរបស់បិសាចក្រហមហាក់មិនមុតស្រួចនោះទេ ពោលគឺរយៈពេល៩០នាទីពេញ ពួកគេស៊ុតចំគោលដៅតែ១ដងគត់ ខណៈដែលក្រុមទាំងមូលគ្រប់គ្រងបាល់ដល់ទៅ៦៣%ឯណោះ។

ចំណុចនេះហើយ ទើបលោក Van Gaal បញ្ជាក់ថាប្រសិនបើក្រុមរបស់លោកមានខ្សែប្រយុទ្ធដូចជា Suarez ឬ Aguero នោះ Man Utd អាចនឹងរកគ្រាប់បាល់បាន មិនឱ្យរក្សាលទ្ធផល០-០ នោះទេ។ “យើងមានឱកាសនិងបង្កើតវាបានច្រើន ដូច្នេះវាមិនមានបញ្ហាអ្វីនោះទេ ឱ្យតែយើងមានខ្សែប្រយុទ្ធមុតម្នាក់ នោះយើងនឹងអាចរកគ្រាប់បាល់បាន”។ សម្ដី អតីតគ្រូបង្វឹករបស់ក្រុមជម្រើសជាតិហុល្លង់។

ចំពោះស្ថិតិការប្រកួតនិងគ្រាប់បាល់របស់ Suarez , Aguero , Rooney និង Martial ចាប់តាំងពីបើករដូវកាលមក បានបង្ហាញឱ្យឃើញថា ខ្សែប្រយុទ្ធរបស់ Barcelona រកបាន១៩គ្រាប់ក្នុង២១ប្រកួត , ខ្សែប្រយុទ្ធក្រុម Man City រកបាន៩គ្រាប់ក្នុង១៤ប្រកួត , ប្រធានក្រុម Man Utd រកបាន៧គ្រាប់ក្នុង២០ប្រកួត និង Martial រកបាន៥គ្រាប់ក្នុង១៧ប្រកួត៕

ប្រែសម្រួល៖ មុន្នី រម្យ ប្រភព៖ dailymail