អ្នកដាច់បាយច្រើនតែញ៉ាំស៊ុត តើញ៉ាំច្រើនប្រឈមជំងឺអ្វីខ្លះ?

2014-10-20 22:27:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ស៊ុត ជាប្រភេទអាហារមួយប្រភេទ មានផ្ទុក កាឡូរី ជាតិខ្លាញ់ និងកូឡេស្តេរ៉ុលខ្ពស់។ បើមនុស្សបរិភោគស៊ុតច្រើនជាប្រចាំថ្ងៃ ពួកគេអាចប្រឈមនឹងជំងឺគាំងបេះដូង និងជំងឺបេះដូងផ្សេងទៀត។ មូលហេតុខាងក្រោម ជាកត្តាធ្វើឱ្យកើតជំងឺបេះដូង៖

មានកាឡូរីខ្ពស់ ស៊ុតធំមួយមានកាឡូរី ប្រហែល៧៥% ហើយបើញ៉ាំច្រើនពេក វានឹងធ្វើឱ្យអ្នកឡើងទម្ងន់ឆាប់រហ័ស។ ទទួលទានស៊ុតបីគ្រាប់ក្នុងមួយថ្ងៃ អ្នកនឹងឡើងទម្ងន់១ផោន ប្រហែល ០,៤៥គីឡូក្រាម ក្នុងរយៈពេលតិចជាងបីសប្ដាហ៍។

មានជាតិខ្លាញ់ខ្ពស់ ញ៉ាំស៊ុតជាប្រចាំថ្ងៃ នឹងធ្វើឱ្យរាងកាយ បង្កើនការស្រូបយកជាតិខ្លាញ់។ ជាតិខ្លាញ់ច្រើនពេក អាចធ្វើឱ្យខូចសុខភាព និងប្រឈមកើតពពួកជំងឺបេះដូង។ បើផ្អែកតាមគោលការណ៍ណែនាំរបបអាហារ របស់អាមេរិក មនុស្សត្រូវការកាឡូរី ពីជាតិខ្លាញ់តែ ២០-៣៥%ប៉ុណ្ណោះ។

មានកូឡេស្តេរ៉ុលខ្ពស់ កូឡេស្តេរ៉ុល ជាសត្រូវនិងមិត្តរបស់មនុស្ស។ ពេលកូឡេស្តេរ៉ុលក្នុងឈាម មានកម្រិតធម្មតា វាជាសារធាតុចាំបាច់ តែបើកម្រិតរបស់វាក្នុងឈាមឡើងខ្ពស់ វានឹងធ្វើឱ្យមនុស្សងាយទទួលជំងឺគាំងបេះដូង។

ម្យ៉ាងទៀត ពេលសម្ពោធន៍ឈាមមនុស្សឡើងខ្ពស់ ជាតិខ្លាញ់របស់វា នឹងកើតលើជញ្ជាំងសរសៃឈាម។ វាធ្វើឱ្យសរសៃឈាម មានភាពលំបាក រឹង និងកក ហើយឈាមក្នុងបេះដូង ក៏ធ្វើចលនាមិនស្រួលដែរ ជាហេតុនាំឱ្យកើតពពួកជំងឺបេះដូង។

លោកវេជ្ជបណ្ឌិត Thomas Behrenbeck ឯកទេសបេះដូង បានឱ្យដឹងថា ចូរញ៉ាំកូឡេស្តេរ៉ុលក្នុងស៊ុត ឱ្យបានតិចជាង៣០០មីលីក្រាម ឬក្រោម២០០មីលីក្រាម បើអ្នកមានកូឡេស្តេរ៉ុលក្នុងឈាមខ្ពស់ហើយ។ ស៊ុតមួយគ្រាប់ មានកូឡេស្តេរ៉ុលប្រហែល១៨៥ក្រាម។ ការទទួលទានស៊ុតច្រើនជាង១ក្នុងមួយថ្ងៃ នឹងនាំឱ្យ កូឡេស្តេរ៉ុលកើនឡើង។

កាឡូរី ជាតិខ្លាញ់ និង កូឡេស្តេរ៉ុល គឺមាននៅក្នុងស៊ុតពណ៌លឿង ដូច្នេះដើម្បីកុំឱ្យមានបញ្ហាបែបនេះ អ្នកទទួលទាន អាចយកស៊ុតលឿងចេញ។ យ៉ាងណាមិញ ចំណុចលឿងនេះ មានផ្ទុកសារធាតុទ្រទ្រង់រាងកាយច្រើនដែរ ដូចជា B-complex Vitamin Choline ជួយឱ្យកោសិកាប្រសាទដំណើរការល្អ និងជួយអភិវឌ្ឍខួរក្បាលទារក ពេលមានផ្ទៃពោះជាដើម។ ក្រៅពីនេះ ស៊ុតបានផ្ដល់អត្ថប្រយោជន៍ ជាច្រើនផ្សេងទៀត ប៉ុន្តែកុំបរិភោគច្រើនហួសហេតុពេក៕

អត្ថបទទាក់ទង៖

គេងថ្ងៃជួយអ្វីខ្លះ?

គន្លឹះសំខាន់៦យ៉ាង ធ្វើឲ្យស្អាត មិនបាច់ប្រើម្សៅក្រែម

១៣ចំណុចលើគ្រែ បុរសចូលចិត្តធ្វើ តែស្រីមិនពេញចិត្ត 

ប្រែសម្រួល៖ អ៊ុំ សុភក្តិ

ប្រភព៖ healthyeating