ភាពយន្តខ្មែរ៣រឿង ក្រុងពាលីចុងឆ្នាំនេះ

2015-12-09 13:23:31
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមខែ វិច្ឆិកា ចុងឆ្នាំ២០១៥ មានភាពយន្តខ្មែរចំនួន៣រឿងបានក្រុងពាលី ហើយកំពុងដំណើរការថត គ្រោងចាក់បញ្ចាំងនៅដើមឆ្នាំ២០១៦នេះ។ ភាពយន្តទាំង៣រឿងមាន រឿង “វិស្សមកាលមរណៈ” រឿង “ប៊ី អាយ ជី និងខ្មោចយក្សធំ” និង រឿង“ទង់ព្រលឹង” ។

១/រឿង “វិស្សមកាលមរណៈ”

រូបភាព៖ ផ្ដល់ឲ្យ

គឺជា វណ្ណកម្មរបស់ផលិតកម្ម "ចក្រវាឡពេជ្រភាពយន្ត" ដែលមានអ្នកស្រី ថុង ស៊ីវទៀង ជាចាងហ្វាងផលិតកម្ម។ ភាពយន្តដែលធ្វើការក្រុងពាលីរហូតដល់ទៅ២លើកនេះ បានធ្វើក្រុងពាលីលើកចុងក្រោយកាលពី ទី០៩ ខែ វិច្ឆិកា ឆ្នាំ ២០១៥ នៅលើកប៉ាល់ធំមួយ ស្ថិតក្នុងទឹកដី កោះឧកញ៉ាតី ជាទីដែលប្លង់មួយចំនួននៃសាច់រឿងត្រូវថតតែម្ដង។

រឿង “វិស្សមកាលមរណៈ” គឺជាខ្សែភាពយន្តមួយ និយាយពីការស្រាវជ្រាវរបស់សិស្សមួយក្រុម ដែលបានជួបឧបទ្ទវហេតុជាច្រើន លើកិច្ចការស្រាវជ្រាវរបស់ពួកគេ ដោយនៅក្នុងនោះ មានឈុតឆាកគ្រប់រសជាតិ រួមមាន ស្នេហា សើចសប្បាយ កម្សត់ និង ភ័យរន្ធត់ជាដើម។ ខ្សែភាពយន្តមួយនេះ ក៏បានបញ្ចូលក្បាច់គុនខ្មែរជាច្រើនប្រភេទផងដែរ ដោយតារាសម្ដែងទាំងអស់ សុទ្ធតែមានឈុតវ៉ៃប្រហារ ជាច្រើន។

តារាសម្ដែងនៅក្នុងរឿងនេះ មាន នី មុន្នីនាថ អ្នកនាង ឆ័យលី ដាឡែន ថន លក្ខិណា នាងខ្ញុង ចាន់តារាទី លោក ថៃ ប៊ុនាង លោក ហម ឈរ៉ា លោក សាយ សៀរ៉ា និង សិល្បករសិល្បការិនី ជាច្រើនទៀត។ ខ្សែភាពយន្តមួយនេះ គ្រោងចំណាយខ្ទង់៣ម៉ឺនដុល្លារ ក្នុងការផលិត។

២/រឿង “ប៊ី អាយ ជី និងខ្មោចយក្សធំ”

គឺជា វណ្ណកម្មរបស់ផលិតកម្ ម"ស៊ីស្ដារ" ដែលមានលោក ឈី រដ្ឋា ជាចាងហ្វាងផលិតកម្ម។ រឿងមួយនេះបានក្រុងពាលីដំណាលគ្នា និងរឿង “វិស្សមកាលមរណៈ” ដោយការក្រុងពាលី បានធ្វើនៅវត្តប្រាសាទ ជិតភ្នំ ឧដុង្គ ។ ខ្សែភាពយន្តបែបកំប្លែងនេះ មានតារាចូលរួមសម្ដែងដូចជា លោក ប៊ី អាយ ជី អ្នកនាង សុខ សោម៉ាវត្តី នាយ ចឺម នាយ ក្រូច អ្នកនាង អ៊ីត ជាដើម។ រឿង “ប៊ី អាយ ជី និងខ្មោចយក្សធំ” គ្រោងចំណាយ ខ្ទង់ ប្រហែលជិត ១០ ម៉ឺនដុល្លារ ក្នុងការផលិត ។

រឿង“ទង់ព្រលឹង”

គឺជា វណ្ណកម្មរបស់ផលិតកម្ម Red Picture ដែលមានលោក ឌៀប សុវណ្ណរ៉ា ជាចាងហ្វាងផលិតកម្ម។រឿងមួយនេះបានក្រុងពាលីកាលពីថ្ងៃទី៣ ខែ ធ្នូ ឆ្នាំ ២០១៥ នៅផ្ទះល្វែងមួយកន្លែងជិតផ្សារសំណង់១២។ រឿង“ទង់ព្រលឹង” គឺជា ខ្សែភាពយន្តមួយមានលក្ខណៈ បែបកំប្លែង រន្ធត់ ដែលមានតារាសម្ដែងដូចជា អ្នកនាង សុខ សោម៉ាវត្តី លោក ជា សុវណ្ណនរាហ៍ ប៊ីអាយជី នាយគ្រឿន នាយក្រូច នាយចឺម អ្នកនាង ប៉ោងប៉ោង ឌីជេក្ដិប កញ្ញា No More សុវណ្ណ រ៉ាផា លោក លឹម រដ្ឋា និង ស៊ឹម សុភណ្ឌ័ ជាដើម។ ខ្សែភាពយន្តមួយនេះគ្រោងចំណាយខ្ទង់ ប្រមាណពី៤ ទៅ៥ម៉ឺនដុល្លារ ក្នុងការផលិត៕

អត្ថបទ៖ ខុត សីហា

ពាក្យទាក់ទង

ភាពយន្តជាតិ

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

អត្ថបទថ្មី

លោកបណ្ឌិត អាំង សិរីពិសិដ្ឋ រំពឹងថ្ងៃណាមួយការលេងបាល់ទះខុសបច្ចេទេសនឹងត្រូវលុបបំបាត់ទាំងស្រុង

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា

BYD ចេញឡានភីកអាប់ Hybrid ថ្មី សាកភ្លើងក៏បាន ហើយមានការ៉ាអូខេទៀត

Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤

Xavi អាចនឹងត្រូវបានបញ្ចប់ពីតំណែង